യുവെന്റെസിനെ സമനിലയിൽ പിടിച്ച് ടൊറീനോ

സീരി എയിൽ ടൂറിൻ ഡർബിയിൽ യുവെന്റെസിനെ സമനിലയിൽ പിടിച്ച് ടൊറീനോ. പന്തടക്കത്തിലും പാസിങിലും മികച്ചു നിന്ന ടൊറീനോ മുൻ ചാമ്പ്യൻമാരെ അനായാസമാണ് മത്സരത്തിൽ നേരിട്ടത്. എന്നാൽ 13-ാം മിനിറ്റിൽ ഡി ലിറ്റാണ് യുവെയെ മുന്നിലെത്തിച്ചത്.

ആദ്യ പകുതിയിൽ സമനില ഗോൾ നേടാൻ ടൊറീനോ കിണഞ്ഞു ശ്രമിച്ചെങ്കിലും അയ്യെഗ്രിയുടെ യുവെ ലീഡ് അതേപടി നിലനിർത്തുകയായിരുന്നു. എന്നാൽ രണ്ടാം പകുതിയിൽ 63-ാം മിനിറ്റിൽ തന്നെ ആന്ദ്രേ ബെലോട്ടിയിലൂടെ ടൊറീനോ സമനില പിടിച്ചു.

രണ്ടാം പകുതിയിൽ പരിക്കേറ്റ് ഡിബാല പുറത്ത് പോയത് യുവെന്റസിന് തിരിച്ചടിയായി. നിലവിൽ പോയിന്റ് പട്ടികയിൽ നാലാം സ്ഥാനത്തുള്ള മുൻ ചാമ്പ്യൻമാർക്ക് ഇന്നത്തെ കളി നിർണായകമായിരുന്നു. രണ്ട് മത്സരം കുറവു കളിച്ചിട്ടുള്ള അറ്റലാൻന്റ 44 പോയിന്റുമായി പിന്നാലെയുണ്ട്. ഈ സീസണിൽ അത്ര ഫോമിലല്ലാത്ത യുവെന്റസിന് ചാമ്പ്യൻസ് ലീഗ് യോഗ്യത നേടേണ്ടതു തന്നെയാണ് ഈ സീസണിലെ ഇനിയുള്ള പ്രധാന ലക്ഷ്യങ്ങളിൽ ഒന്ന്.