ഇന്റർ മിലാനെ എതിരില്ലാത്തെ രണ്ട് ഗോളുകൾക്ക് കീഴടക്കി ലിവർപൂൾ

യുവേഫ ചാമ്പ്യൻസ് ലീഗിലെ പ്രീക്വാർട്ടറിലെ ആദ്യ പാദ മത്സരത്തിൽ ഇന്റർ മിലാനെ എതിരില്ലാത്തെ രണ്ട് ഗോളുകൾക്ക് കീഴടക്കി ലിവർപൂൾ. ആദ്യ പകുതിയില്‍ ഇഞ്ചോടിഞ്ച് പോരാട്ടമാണ് ഇരുടീമുകളും കാഴ്ച്ചവെച്ചത്.

എന്നാൽ തുടക്കം മുതൽ അവസാനം വരെ മികച്ചു നിന്നത് ചെമ്പട തന്നെയാണ്. ആദ്യപകുതിയിൽ നല്ല അവസരങ്ങളൊന്നും സൃഷ്‌ടിക്കാൻ ലിവർപൂളിന് സാധിച്ചില്ല. നിർഭാഗ്യവശാലാണ് ആദ്യ പകുതിയിൽ ഇന്റർ ഗോളടിക്കാതെ മടങ്ങിയത്. 15-ാം മിനിറ്റിൽ ചാലനൊഹ്ലു തൊടുത്ത ഷോട്ട് ബാറിൽ തട്ടിയാണ് മടങ്ങി.

രണ്ടാം പകുതിയിൽ ഇന്റർ സ്കോർ ചെയ്‌തെങ്കിലും ഓഫ്-സൈഡ് വിളിച്ചതോടെ കാര്യങ്ങൾ തിരിഞ്ഞു. മറുവശത്ത് അറ്റാക്കിംഗിലൂടെ കളി മുന്നോട്ടു കൊണ്ടുപോയ ലിവർപൂൾ 75-ാം മിനിറ്റിൽ പകരക്കാരനായി ഇറങ്ങിയ റൊബെർട്ടോ ഫിർമീഞ്ഞോയുടെ ഗോളിൽ ചെമ്പട മുന്നിലെത്തി.

പിന്നാലെ സൂപ്പർ താരം മുഹമ്മദ് സാലയും വല കുലുക്കിയതോടെ ഇന്ററിന്റെ ഭാഗ്യം അവസാനിച്ചു. ഇനി രണ്ടാം പാദ മത്സരം ലിവർപൂളിന്റെ ഹോം ഗ്രൗണ്ടായ ആൻഫീൽഡിൽ മാർച്ച് ഒമ്പതിന് നടക്കും. ആദ്യപാദത്തിലെ രണ്ട് ഗോളിന്റെ ജയം ക്ലോപ്പിന്റെ സംഘത്തിന് മുൻതൂക്കം നൽകും.