ഐഎസ്എല്ലിൽ ബെംഗളൂരുവിനെ തകർത്ത് ഹൈദരാബാദ് എഫ്‌സി
ഐഎസ്എൽ ഫുട്ബോളിൽ ബെംഗളൂരുവിനെ ഒന്നിനെതിരെ രണ്ടു ഗോളുകൾക്ക് തകർത്ത് ഹൈദരാബാദ് എഫ്‌സി. ജയത്തോടെ 29 പോയിന്റുമായി മനോലോ മാർക്വേസിന്റെ ടീം പോയിന്റ് നില മെച്ചപ്പെടുത്തി.
കളിയിൽ ബെംഗളൂരുവാണ് മികച്ചു നിന്നതെങ്കിലും കിട്ടിയ അവസരങ്ങൾ മുതലാക്കിയതാണ് ഹൈദരാബാദിന് തുണയായത്. 16-ാം മിനിറ്റിൽ ജാവിയർ സിവേരിയോയിലൂടെ ഹൈദരാബാദാണ് ആദ്യം വല കുലുക്കിയത്. തുടർന്ന് 30-ാം മിനിറ്റിൽ ജാവോ വിക്‌ടറിലൂടെ ലീഡ് ഉയർത്താനും ലീഗിലെ ഒന്നാം സ്ഥാനക്കാർക്കായി.
എന്നാൽ രണ്ടാം പകുതിയിൽ ബെംഗളൂരു ഗോളടിക്കാൻ പരിശ്രമിച്ചെങ്കിലും 87-ാം മിനിറ്റിലാണ് ഗോൾ പിറന്നത്. സ്റ്റാർ താരം സുനിൽ ഛേത്രിയാണ് വല കുലുക്കിയത്. അതുവരെ മത്സരത്തിൽ ഒരു ഷോട്ട് ഓൺ ടാർഗറ്റ് പോലും കണ്ടെത്താൻ ബെംഗളൂരുവിന് സാധിച്ചില്ല. മൂന്നാം സ്ഥാനത്താണ് നിലവിലെങ്കിലും തോൽവിയോടെ മാർക്വേസിന്റെ ടീം സെമി പ്രതീക്ഷകൾ കൈയാലപുറത്തായി.
16 മത്സരങ്ങളിൽ നിന്നും 23 പോയിന്റുമായി ബെംഗളൂരു മൂന്നാം സ്ഥാനത്തും 13 കളികളിൽ നിന്നായി 23 പോയിന്റുമായി എടികെ മോഹൻ ബഗാൻ നാലാമതുമുണ്ട്. അതേസമയം 23 പോയിന്റുമായി ബ്ലാസ്റ്റേഴ്‌സ്, 22 പോയിന്റുമായി മുംബൈ സിറ്റി, 21 പോയിന്റുമായി ഒഡീഷ ടീമുകളാണ് യഥാക്രമം സെമി ബെർത്തിനായി മത്സരിക്കുന്നത്.
