ഐസിസി അണ്ടർ 19 ലോകകപ്പ്, സെമി ഫൈനൽ: ഓസ്ട്രേലിയയെ മറികടന്ന് ഇന്ത്യ തുടർച്ചയായ നാലാം ഫൈനലിലെത്തി.
ബുധനാഴ്ച ഓസ്ട്രേലിയയ്ക്കെതിരെ 96 റൺസിന്റെ ശക്തമായ വിജയത്തോടെ പവർഹൗസ് ഇന്ത്യ തുടർച്ചയായ നാലാം അണ്ടർ 19 ലോകകപ്പ് ഫൈനലിലെത്തി. 110 പന്തിൽ 110 റൺസ് നേടിയ ധൂൽ ഷെയ്ക് റഷീദുമായി (108 പന്തിൽ 94) 204 റൺസിന്റെ കൂട്ടുകെട്ട് പങ്കിട്ടപ്പോള് , ഇന്ത്യയെ അഞ്ച് വിക്കറ്റ് നഷ്ടത്തിൽ 290 റൺസെന്ന മികച്ച സ്കോറിലെത്തി.
അതിനു ശേഷം ഓസ്ട്രേലിയയെ 41.5 ഓവറിൽ 194 റൺസിന് പുറത്താക്കി ഇന്ത്യൻ ബൗളർമാർ തങ്ങളുടെ റോൾ വൃത്തിയായി നിര്വഹിച്ചു.പവര് പ്ലേയില് പേസർമാരായ രാജ്വർധൻ ഹംഗാർഗെക്കറും (0/26), രവി കുമാറും (2/37) മികച്ച പ്രകടനം നടത്തിയപ്പോള് സ്പിന്നർമാരായ നിശാന്ത് സിന്ധു (2/25), വിക്കി ഓസ്റ്റ്വാൾ (3/42), കൗശൽ താംബെ (1/32) എന്നിവർ മധ്യ ഓവറുകളിൽ ഓസീസിന്റെ റണ് നിരക്ക് നിയന്ത്രിച്ചു.നാല് തവണ ചാമ്പ്യൻമാരായ ഇന്ത്യ ശനിയാഴ്ച നടക്കുന്ന ഫൈനലിൽ ഇംഗ്ലണ്ടിനെ നേരിടും.
