കരബാവോ കപ്പ് – മാഞ്ചസ്റ്റർ സിറ്റി പുറത്ത്

കരബാവോ കപ്പിലെ സിറ്റിയുടെ മേധാവിത്വം ഡേവിഡ് മോയസും വെസ്റ്റ് ഹാമും തകർത്തിരിക്കുന്നു. പെനാൽറ്റി ഷൂട്ട് ഔട്ടിലേക്ക് നീണ്ട മത്സരത്തിൽ 5 – 3 എന്ന നിലയിൽ വെസ്റ്റ് ഹാം ഗാർഡിയോളയുടെ സിറ്റിയെ മറികടന്നു. വെസ്റ്റ് ഹാമിനായി കിക്ക്‌ എടുത്ത എല്ലാവരും വല ചലിപ്പിച്ചപ്പോൾ സിറ്റിയുടെ ഫിൽ ഫോഡന് ലക്‌ഷ്യം കാണാൻ സാധിച്ചില്ല. 2016 ഒക്ടോബറിന് ശേഷം ആദ്യമായിട്ടാണ് സിറ്റി ഈ കപ്പിൽ തോൽവി നുണയുന്നത്.

ഡേവിഡ് മോയ്സ് വന്നതിന് ശേഷം വെസ്റ്റ് ഹാം മികച്ച ഫോമിലാണ്. യൂറോപ്പ കപ്പിലും അവരുടെ പ്രകടനം മികച്ചു നിൽക്കുന്നു. പ്രീമിയർ ലീഗിൽ ആകട്ടെ അവർ നാലാം സ്ഥാനത്തും ആണ്.