നിർണായക വിജയം നേടി ടോട്ടൻഹാം

തുടർച്ചയായ മൂന്ന് തോൽവികൾക്ക് ശേഷം ടോട്ടൻഹാം ഹോട്സ്പർ വിജയപാതയിൽ. ശക്തരായ ആസ്റ്റൺ വില്ലയെ ഒന്നിനെതിരെ രണ്ടു ഗോളുകൾക്കാണ് സ്വന്തം കാണികളെ സാക്ഷി നിറുത്തി സ്പർസ്‌ വിജയിച്ചത്. അവർക്കായി ഹോയാബായ്, ലൂക്കാസ് മോറ എന്നിവർ ലക്‌ഷ്യം കണ്ടപ്പോൾ വില്ലക്കായി ഓലി വാറ്റ്കിൻസ് ആശ്വസ ഗോൾ നേടി.

വിജയത്തോടെ ടോട്ടൻഹാം 12 പോയിന്ററുമായി എട്ടാം സ്ഥാനത്താണ്. എന്നിരുന്നാലും ഈ മത്സരത്തിലും ഹാരി കെയിനിന് ഗോൾ കണ്ടെത്താൻ സാധിക്കാഞ്ഞത് ടോട്ടൻഹാമിന് ആശങ്ക നൽകുന്നുണ്ട്. ഇതോടെ തുടർച്ചയായ ആറു മത്സരങ്ങളിൽ അദ്ദേഹം വല ചലിപ്പിച്ചിട്ടില്ല. പരാജയത്തോടെ ആസ്റ്റൺ വില്ല ആകട്ടെ പത്താം സ്ഥാനത്തേക്ക് തരം താഴ്ത്തപെട്ടു.