റയലിന് അപ്രതീക്ഷ തോൽവി; പരാജയെപ്പടുത്തിയത് മോൾഡോവൻ ടീം ഷെരിഫ്

സ്പാനിഷ് വമ്പന്മാരായ റയൽ മാഡ്രിഡിന് ചാമ്പ്യൻസ് ലീഗിൽ അപ്രതീക്ഷ തോൽവി. മോൾഡോവക്കാരായ ക്ലബ് ഷെരിഫ് അവരെ ഒന്നിനെതിരെ രണ്ടു ഗോളുകൾക്ക് പരാജയപ്പെടുത്തി. റയലിന്റെ തട്ടകത്തിൽ കേറി അവരെ തോൽപിക്കാൻ ആയത് ഷെരീഫിന്റെ വിജയത്തിന്റെ മാറ്റം കൂട്ടുന്നു. ഇതോടെ കളിച്ച രണ്ടു കളികളും വിജയിച്ചു അവർ ഗ്രൂപ്പ് ലീഡ് ചെയ്യുന്നു.

കളിക്ക് വിപരീതമായി യാക്ഷിബോവയിലൂടെ ഷെരിഫ് ലീഡ് നേടുന്നത് 25 ആം മിനുട്ടിൽ ആയിരുന്നു. പിന്നീടുള്ള റയലിന്റെ ശ്രമങ്ങൾക്ക് വിജയം കണ്ടെത്താൻ 65 മിനുട്ട് വരെ കാത്തിരിക്കേണ്ടി വന്നു. കിട്ടിയ പെനാൽറ്റി ലക്ഷ്യത്തിൽ എത്തിച്ചത് കരിം ബെൻസീമ ആയിരുന്നു. എന്നാൽ 89 ആം മിനുട്ടിൽ സെബാസ്റ്റ്യൻ ത്രിൽ എന്ന മധ്യനിര താരം ഷെരീഫിന് വിജയ ഗോൾ സമ്മാനിച്ച് സാന്റിയാഗോ ബെർണാബുവിനെ സ്തബ്ധമാക്കി.