മാര്‍ച്ച് അഞ്ചിന് റോഡ് സേഫ്റ്റി വേൾഡ് സീരീസ് കൊടിയേറും
മാർച്ച് 5 ന് റായ്പൂരിലെ ഷഹീദ് വീർ നാരായൺ സിംഗ് അന്താരാഷ്ട്ര ക്രിക്കറ്റ് സ്റ്റേഡിയത്തിൽ നടക്കുന്ന റോഡ് സേഫ്റ്റി വേൾഡ് സീരീസിന്റെ ആദ്യ മത്സരത്തിൽ ഇന്ത്യൻ ഇതിഹാസങ്ങൾ തങ്ങളുടെ ബംഗ്ലാദേശ് എതിരാളികളുമായി ഏറ്റുമുട്ടും. ഇംഗ്ലണ്ട് ഇതിഹാസങ്ങൾ മാർച്ച് 7 ന് ബംഗ്ലാദേശിനെതിരെയും മാർച്ച് 9 ന് നടക്കുന്ന മത്സരത്തിൽ ഇംഗ്ലീഷ് ടീമിനെ ഇന്ത്യയും നേരിടും.
ടൂർണമെന്റിന്റെ സെമി ഫൈനൽ മാർച്ച് 17, 19 തീയതികളിലും ഫൈനൽ മാർച്ച് 21 നും നടക്കും. എല്ലാ മത്സരങ്ങളും രാത്രി 7:00 ന് ആരംഭിക്കും.ഇംഗ്ലണ്ട്, ദക്ഷിണാഫ്രിക്ക, ശ്രീലങ്ക, വെസ്റ്റ് ഇൻഡീസ്, ബംഗ്ലാദേശ്,ഇന്ത്യ എന്നിവര്‍ ആണ് പരമ്പരയിലെ മല്‍സരാര്‍ത്തികള്‍.രാജ്യത്ത് റോഡ് സുരക്ഷയെക്കുറിച്ച് അവബോധം സൃഷ്ടിക്കുന്നതിനായി സംഘടിപ്പിച്ച വാർഷിക ടി 20 ക്രിക്കറ്റ് ടൂർണമെന്റിൽ സച്ചിൻ തെണ്ടുൽക്കർ, വീരേന്ദർ സെവാഗ്, ബ്രയാൻ ലാറ, തില്ലകരത്‌നെ ദിൽഷൻ, മുത്തയ്യ മുരളീധരൻ എന്നിവര്‍ അണിനിരക്കും.
