ലിവർപൂളിനെ വീഴ്ത്തി ആർസെനൽ കമ്മ്യൂണിറ്റി ഷീൽഡ് ജേതാക്കൾ!

വെംബ്ലി സ്റ്റേഡിയത്തിൽ വീണ്ടും ആർസെനലിനു കപ്പ്‌ വിജയം. പ്രീമിയർ ലീഗ് ചാമ്പ്യന്മാരായ ലിവർപൂളും FA കപ്പ്‌ ചാമ്പ്യന്മാരായ ആര്സെനാലും ഏറ്റുമുട്ടിയ അത്യന്തം വാശിയേറിയ,  പെനാൽറ്റി ഷൂട്ട്‌ഔട്ടിലേക്ക് നീങ്ങിയ പോരാട്ടത്തിൽ ആർസെനാൽ ജയം നേടുകയായിരുന്നു.അധികസമയത്തും സ്‌കോർ തുല്യതയിൽ തുടർന്നപ്പോൾ മത്സരം ഷൂട്ട്‌ഔട്ടിലേക്ക് നീങ്ങുകയായിരുന്നു. സ്പോട്കിക്കിൽ ആർസെനലിനു വേണ്ടി എല്ലാ താരങ്ങളും ഗോളാക്കിയപ്പോൾ ലിവർപൂളിന്റെ യുവതാരം ബ്രീസ്റ്ററിന്റെ കിക്ക് പുറത്തേക്ക് പോവുകയായിരുന്നു സ്കോർ 1(5)-1(4). ഒപ്പം ആര്സെണലിന്റെ 16ആം കമ്മ്യൂണിറ്റി ഷീൽഡ് വിജയം.

ആദ്യ പകുതിയിൽ ഗണ്ണേഴ്സിന്റെ സ്ഥിരം രക്ഷകനായ അബാമേയാങ് വീണ്ടും മനോഹരമായൊരു കർലിംഗ് ഷോട്ടിലൂടെ 12ആം മിനുട്ടിൽ ഗോൾ നേടിയപ്പോൾ, ഗണ്ണേഴ്‌സ്‌ ലീഡ് നേടി. വെംബ്ലി സ്റ്റേഡിയത്തിൽ കഴിഞ്ഞ 3 മത്സരങ്ങളിൽ നിന്നും ആബ നേടുന്ന അഞ്ചാം ഗോളായിരുന്നു ഇത്. പതിയെ മത്സരത്തിലേക്ക് തിരിച്ചു വന്ന ലിവർപൂൾ രണ്ടാം പകുതിയിൽ മിന്നാമിനോയുടെ ഗോളിലൂടെ സമനില നേടുകയായിരുന്നു. ഡിസംബറിൽ ആർസെനാൽ കോച്ചായി മിക്കേൽ ആർട്ടേറ്റ ചുമതലയേറ്റ ശേഷം ആർസെനാൽ നേടുന്ന രണ്ടാമത്തെ കിരീടമാണിത്.