ബൊക്കായോ സാക്കക്ക് ദീർഖകാല കരാർ നൽകി ആഴ്‌സണൽ
ആഴ്സനലിലെ ഏറ്റവും പ്രതീക്ഷ നൽകുന്ന താരമാണ് ബൊക്കയോ സാക്ക. വെറും 18 വയസ്സ് മാത്രം പ്രായമുള്ള താരം, ഈ സീസണിൽ മാത്രം 11 അസിസ്റ്റ് സംഭാവന ചെയ്തിട്ടുണ്ട്. ഏറ്റവും വേഗത്തിൽ 10 അസിസ്റ്റ് നൽകുന്ന ആഴ്‌സണൽ താരം കൂടി ആയി മാറിയിരുന്നു സാക്ക. 17 വയസ്സ് മുതൽ ആഴ്‌സണൽ സീനിയർ ടീമിനായി ബൂട്ട് അണിയുന്നുണ്ട്. ലെഫ്റ്റ് വിങ്ങർ ആണെങ്കിലും ആർട്ടറ്റാ താരത്തിനെ ലെഫ്റ്റ് ബാക്കായും, ഫാൾസ് 9 ആയും ഉപേയാഗിക്കാറുണ്ട്.
ലിവർപൂളിന്റെ കഴുകാൻ കണ്ണുകളിൽ നിന്ന് സാക്കയെ മാറ്റി നിറുത്താൻ വേണ്ടി ആണ് അദ്ദേഹത്തിന് ദീർഖകാല കരാർ തന്നെ ആഴ്‌സണൽ നൽകിയത്. കരാർ വ്യവസ്ഥകൾ ലഭ്യമല്ലെങ്കിലും മൂന്നിരട്ടി ശമ്പള വർധനവും 5 വർഷത്തെ കാലാവധിയും ഉണ്ടന്നാണ് അറിയാൻ കഴിഞ്ഞത്. പല പ്രമുഖ താരങ്ങളും ആഴ്‌സണൽ വിടാൻ ഒരുങ്ങവെ ഈ വാർത്ത ആഴ്‌സണലിന് ശുഭ പ്രതീക്ഷ നൽകുന്ന ഒന്നാണ്.
