“നിങ്ങളാണ് യഥാര്‍ത്ഥ ചാമ്പ്യന്മാര്‍ ” -ലൂയിസ് സുവാരസ്
ബാഴ്സലോണ താരം ലൂയിസ് സുവാരസ് പ്രീമിയര്‍ ലീഗ് നേടിയ തന്‍റെ മുന്‍ ക്ലബായ ലിവര്‍പൂളിന് ആശംസ അറിയിച്ചു.ക്ലബ് ക്യാപ്റ്റനായ ജോര്‍ദാന്‍ ഹെന്‍ഡേഴ്സണിനോടും ബാക്കിയുള്ള ടീമങ്കങ്ങള്‍ക്കും അദ്ദേഹം ആശംസകള്‍ ലിവര്‍പൂള്‍ ടി‌വിയിലാണ് അറിയിച്ചത്.
അയക്സില്‍ നിന്നും അദ്ദേഹം ലിവര്‍പൂളിലേക്ക് എത്തിയത് 2011 സീസനിലാണ്.2011-2014 സീസണില്‍ സുവാരസ് ലിവര്‍പ്പൂള്‍ ജേഴ്സിയില്‍ തിളങ്ങി.ഈ കാലയളവില്‍ അദ്ദേഹം പ്രീമിയര്‍ ലീഗ് ഗോള്‍ഡന്‍ ബൂട്ട്,പ്ലേയര്‍ ഓഫ് തി ഇയര്‍,ഫൂട്ബോളര്‍ ഓഫ് തി ഇയര്‍ എന്നിങ്ങനെയുള്ള പല അവാര്‍ഡുകളും കരസ്ഥമാക്കി.“ജോർദാനും മറ്റെല്ലാ ലിവർപൂൾ കളിക്കാരും – നിങ്ങൾക്കും നിങ്ങളുടെ കുടുംബത്തിനും ലിവർപൂളിൽ ജോലി ചെയ്യുന്ന ആളുകൾക്കും ലിവർപൂൾ ആരാധകർക്കും നിങ്ങളുടെ നേട്ടത്തില്‍ ഞാൻ വളരെ സന്തോഷവാനാണ്,” സുവാരസ് എൽ‌എഫ്‌സി‌ടി‌വിയോട് പറഞ്ഞു.”ഈ അവസരം നിങ്ങള്‍ ആസ്വദിക്കുമെന്ന് ഞാന്‍ വിചാരിക്കുന്നു.നിങ്ങളാണ് യഥാര്‍ത്ഥ ചാമ്പ്യന്മാര്‍.”
