പെഡ്രോ അടുത്ത സീസണിൽ റോമയിലേക്ക് !!

ചെല്സിയുമായി കരാർ തീർന്ന സ്പാനിഷ് ഫോർഡ് പെഡ്രോ റോഡ്രിഗസ് ഇറ്റാലിയൻ ക്ലബായ എ.സ്.റോമയുമായി കരാറിൽ ഏർപ്പെട്ടു എന്ന് ല ഗസ്സറ്റ എന്ന മാധ്യമം റിപ്പോർട്ട് ചെയ്തു. രണ്ടു വര്ഷത്തെക്കാണ് താരം കരാറിൽ ഏർപ്പെട്ടിരിക്കുന്നത്. വേണ്ടി വന്നാൽ ഒരു മൂന്നാം വര്ഷം കരാർ നീട്ടാനും വ്യവസ്ഥ ഉണ്ട്. 3.5 മില്യൺ യൂറോ ആണ് താരത്തിന്റെ വാർഷിക വരുമാനമായി നിശ്ചയിച്ചിരിക്കുന്നത്.

2015 ൽ ആണ് ബാഴ്‌സലോണയിൽ നിന്ന് പെഡ്രോ ലണ്ടനിൽ എത്തുന്നത്. 135 മത്സരങ്ങളിൽ നിന്ന് 43 ഗോളുകൾ താരം ചെൽസിക്കായി നേടിയിട്ടുണ്ട്. ക്ലബ്ബുമായി ഒരു പ്രീമിയർ ലീഗ് കിരീടവും ഒരു യൂറോപ്പ ലീഗ് കിരീടവും പെഡ്രോ സ്വന്തമാക്കിയിട്ടുണ്ട്.