അല്‍ബയ്ക്ക് വേണ്ടി വല വിരിച്ച് സ്പാനിഷ് വമ്പന്‍മാരായ റയലും ബാഴ്സയും
ബയേര്‍ണ്‍ മ്യൂണിക്ക് ഡിഫന്‍ഡെര്‍ ഡേവിഡ് അലാബായെ സ്വന്തമാക്കാന്‍ ചിരവൈരികളായ ബാഴ്സയും റയലും നേര്‍ക്കുന്നേര്‍. അലാബ ചെല്‍സിയിലേക്ക് പോകുമെന്ന് വാര്‍ത്തകള്‍ ഉണ്ടായിരുന്നു.ജര്‍മന്‍ പത്രമായ സ്പോര്‍ട് ബില്‍ഡാണ്വാര്‍ത്ത പുറത്തുവിട്ടത്.27 വയസുള്ള അലാബ തനിക്ക് ഇനി ഇംഗ്ലണ്ടിലോ സ്പെയിനിലോ കളിക്കാനാണ് താല്‍പര്യം എന്ന് സ്പോര്‍ട് ബില്‍ഡിനോട് കഴിഞ്ഞ വര്‍ഷം പറഞ്ഞിരുന്നു.സ്പെയിനില്‍ റയലിനോ ബാഴ്സക്കോ അല്ലെങ്കില്‍
ഇംഗ്ലണ്ടിലെ വലിയ ഏതെങ്കിലും ക്ലബിന് വേണ്ടി ബൂട്ടണിയണം എന്നാണ് തന്‍റെ ആഗ്രഹം എന്ന് പറഞ്ഞിട്ടുണ്ട്.
അലാബായുടെ കോണ്‍ട്രാക്റ്റ് ഈ വരുന്ന സമ്മറില്‍ തീര്‍ന്നേക്കും.ക്ലബ് വിടുമെന്ന് അലാബ ഇതിന് മുന്നേയും പറഞ്ഞിട്ടുണ്ട്. ബയേര്‍ണ്‍ മ്യൂണിക്ക് എന്ത് വില നല്‍കിയും തങ്ങളുടെ താരമായ അലാബായേ നിലനിര്‍ത്തുമെന്നും റിപ്പോര്‍ട്ടുകളുണ്ട്. ഒരു കാര്യം എന്തായാലും ഉറപ്പാണ് ഈ വരുന്ന സമ്മറില്‍ നെയ്മര്‍ മാത്രമായിരിക്കില്ല വാര്‍ത്ത സൃഷ്ടീക്കാന്‍ പോകുന്നത്.മാര്‍ട്ടിനെസ്സും, എംബപ്പെയും ഏത് ക്ലബിന് വേണ്ടി ബൂട്ടണിയും എന്നതും ആരാധകര്‍ ഉറ്റുനോക്കുകയാണ്.
