ലിവർപൂളിന് പുതിയ സൈനിംഗുകൾ ആവശ്യമാണ്;അഭിപ്രായം പങ്കുവെച് ജേസൺ മക്കറ്റീർ
മുൻകാല ലിവർപൂൾ താരമായ ജേസൺ മക്കറ്റീർ ടീമിന്റെ ഇപ്പോഴത്തെ മോശം ഫോമിനെ കുറിച്ച് തന്റെ അഭിപ്രായം പങ്കുവച്ചു.ലോകോത്തര അറ്റാക്കിങ് ത്രയങ്ങളായ സലാ-ഫിർമിൻഹോ-മാനേ എന്നിവർക്ക് പിന്തുണ നല്കാൻ പോന്നൊരു താരത്തെ ലിവർപൂൾ എത്രയും പെട്ടെന്ന് ടീമിലെത്തിക്കണമെന്ന് അദ്ദേഹം പറഞ്ഞു.യുവതാരങ്ങളായ ജേഡൻ സാഞ്ചോയോ അല്ലെങ്കിൽ ടിമോ വെർണറെയോ നോക്കുന്നതിയിരിക്കും ഉചിതമെന്നും അദ്ദേഹം കൂട്ടിച്ചേർത്തു.
2019/20 പ്രീമിയർ ലീഗ് സീസണിൽ അതിശയിപ്പിക്കുന്ന ഫോമിലാണ് ലിവർപൂൾ.എന്നാൽ കഴിഞ്ഞ കുറച്ചു ആഴ്ചകളായി ലിവർപൂളിന്റെ പ്രകടനം ആരാധകർക്ക് ആശങ്ക ഉളവാക്കുന്നതാണ്.ചാമ്പ്യൻസ് ലീഗ് റൗണ്ട് ഓഫ് 16 ഇൽ അത്ലറ്റികോ മാഡ്രിഡിനോടേറ്റ പരാജയത്തിലാണ് എല്ലാ പ്രശ്നങ്ങൾക്കും തുടക്കം കുറിക്കുന്നത്.അതിനുശേഷം ചെൽസിയോട് തോറ്റ് എഫ്എ കപ്പിൽ നിന്നും പുറത്തായി,വാറ്റ്ഫോർഡിനോട്പരാജയം ഏറ്റുവാങ്ങി ഈ പ്രീമിയർ ലീഗിൽ ആദ്യമായി തോറ്റു,ഇപ്പോഴിതാ ചാമ്പ്യൻസ് ലീഗിൽ നിന്നും പുറത്താവുകയും ചെയ്‌തു.അടുത്ത സമ്മർ ട്രാൻസ്ഫറിൽ ലിവർപൂൾ ആരെ ടീമിലെത്തിക്കുമെന്ന് കാത്തിരിന്നുകാണാം.
