ലോകം രണ്ട് തട്ടിൽ;ലാലിഗയിൽ ഇന്ന് എൽക്ലാസിക്കോ:

ഫുട്ബോൾ പ്രേമികൾ കാത്തിരുന്ന സുദിനം വന്നെത്തി.ലാലിഗയിൽ ഇന്ന് സ്പാനിഷ് വമ്പന്മാരായ റയൽ മാഡ്രിഡും ബാർസലോണയും നേരിടും.ലോകം തന്നെ ഉറ്റുനോക്കുന്ന ഫുട്ബോൾ മത്സരമാണ് എൽ ക്ലാസിക്കോ.ഇരു ടീമുകളും പോയിന്റ് ടേബിളിൽ തൊട്ടടുത്താണ് എന്നതും മത്സരത്തിന് വാശി കൂട്ടും.ബാർസലോണ 55 പോയിന്റുമായി ടേബിളിൽ ഒന്നാമതാണ്.റയൽ മാഡ്രിഡ് 53 പോയിന്റുമായി രണ്ടാം സ്ഥാനത്തും.ഇന്ന് ജയിക്കുന്ന ടീമിന് ഒന്നാം സ്ഥാനത്തെത്താം.

റയൽ മാഡ്രിഡ് ഹോം ഗ്രൗണ്ടായ സാന്തിയാഗോ ബെർണബ്യൂവിലാണ് മത്സരം.ഇന്ത്യൻ സമയം നാളെ രാവിലെ 01:30 ക്കാണ് മത്സരം.ബാർസലോണയ്ക്ക് ആശ്വാസമായി ലെഫ്റ് വിങ് ബാക്ക് ജോർഡി ആൽബ ടീമിൽ തിരിച്ചെത്തിയിട്ടുണ്ട്.റയൽ മാഡ്രിഡിന് തലവേദനയായി ഹസാർഡിൻറെ പരുക്ക്.യുവതാരമായ റോഡ്‌റിഗോ സസ്പെന്ഷനിലായതും റയലിന് തിരിച്ചടിയാണ്.ജെയിംസ് റോഡ്രിഗസിനെ സിദാൻ സ്‌ക്വാഡിൽ ഉൾപെടുത്തിയിട്ടില്ല.റയലിൻറ്റെ പ്രതീക്ഷ അവരുടെ സ്‌ട്രൈക്കർ കരിം ബെൻസിമയിലായിരിക്കും.