വനിതാ ട്വന്റി 20 ലോകകപ്പ്: പാക്കിസ്ഥാനും ഇംഗ്ലണ്ടിനും ജയം

കാന്‍ബറ: മുന്‍ ചാംപ്യന്മാരായ വെസ്റ്റിന്‍ഡീസിനെ 8 വിക്കറ്റിന് തകര്‍ത്ത് പാക്കിസ്ഥാനു ട്വന്റി 20 വനിതാ ലോകകപ്പില്‍ മികച്ച തുടക്കം. ആദ്യം ബാറ്റു ചെയ്ത വിന്‍ഡീസിനെ ഡയാന ബെയ്ഗിന്റെ മികച്ച ബോങ്ങില്‍ (2-19) ഏഴിന് 124-ല്‍ ഒതുക്കിയ പാക്കിസ്ഥാന്‍ 18.2 ഓറില്‍ രണ്ടു വിക്കറ്റ് നഷ്ടത്തില്‍ ലക്ഷ്യത്തിലെത്തി. ക്യാപ്റ്റന്‍ ബിസ്മ മറൂഫ് 38 (നോട്ടൗട്ട്) റണ്‍സെടുത്ത് ടോപ് സ്‌കോററായി.

സ്‌കോര്‍: വെസ്റ്റിന്‍ഡീസ് 20 ഓവറില്‍ 7ന് 124 ( സ്റ്റെഫാനി ടെയ്‌ലര്‍ 43, ഷെര്‍മെയ്ന്‍ കാംപ്‌ബെല്‍ 43, ഡയാന ബെയ്ഗ് 2-19), പാക്കിസ്ഥാന്‍ 18.2 ഓവറില്‍ 2ന് 127 (ബിസ്മ മറൂഫ് 38 (നോട്ടൗട്ട്) , ജവേരിയ ഖാന്‍ 35, സ്റ്റെഫാനി ടെയ്‌ലര്‍ 1-20).

സിഡ്‌നിയില്‍ നടന്ന മറ്റൊരു മത്സരത്തില്‍ ഇംഗ്ലണ്ട് തായ്‌ലന്‍ഡിനെ 98 റണ്‍സിനു തോല്‍പിച്ചു. സ്‌കോര്‍: ഇംഗ്ലണ്ട് 20 ഓവറില്‍ 2-ന് 176 (ഹീതര്‍ നൈറ്റ് 108 (നോട്ടൗട്ട്), നതാലി സ്‌കൈവര്‍ 59 (നോട്ടൗട്ട്)), തായ്‌ലന്‍ഡ് 7-ന് 78.