ദക്ഷിണാഫ്രിക്കൻ സൂപ്പർ താരം പുറത്തേക്ക്

ഓസ്ട്രേലിയക്കെതിരെ ടി20 പരമ്പരയ്ക്കൊരുങ്ങുന്ന ദക്ഷിണാഫ്രിക്കൻ ടീമിന് തിരിച്ചടിയായി സൂപ്പർ താരം ടെംബ ബാവുമയ്ക്ക് പരിക്കേറ്റു. ഇതേത്തുടർന്ന് ഓസ്ട്രേലിയക്കെതിരെയുള്ള ടി20 പരമ്പരയിലെ ആദ്യ മത്സരത്തിൽ ഈ താരം കളിക്കില്ല. ക്രിക്കറ്റ് സൗത്താഫ്രിക്കയാണ് ഈ വാർത്ത പുറത്തു വിട്ടത്.

ഇംഗ്ലണ്ടിനെതിരെ സെഞ്ചൂറിയനിൽ നടന്ന മൂന്നാം ടി20 മത്സരത്തിനിടെയായിരുന്നു ബാവുമക്ക് പരിക്കേറ്റത്. ബാവുമ മികച്ച ഫോമിലായിരുന്നതുകൊണ്ട് തന്നെ ബാവുമയുടെ അഭാവം ടീമിനെ ബാധിക്കും.
രണ്ടാം ടി20 ക്ക് മുൻപു തന്നെ പരിക്കു ഭേദപ്പെട്ട് താരം തിരിച്ചെത്തുമെന്ന പ്രതീക്ഷയിലാണ് ദക്ഷിണാഫ്രിക്കയുള്ളത്. ഫെബ്രുവരി 21 നാണ് പരമ്പരയിലെ ആദ്യ ടി20 മത്സരം.