മികച്ച വിജയത്തിനൊടുവിൽ ഇംഗ്ലണ്ടിന് പിഴ ശിക്ഷ

ദക്ഷിണാഫ്രിക്കയ്ക്കെതിരായ മൂന്നാം ടി20 യിൽ മികച്ച വിജയം നേടി പരമ്പര സ്വന്തമാക്കിയതിനു പിന്നാലെ ഇംഗ്ലണ്ടിന് പിഴശിക്ഷ ലഭിച്ചിരിക്കുകയാണ്. മത്സരത്തിലെ കുറഞ്ഞ ഓവർ നിരക്കാണ് ഇതിനിടയാക്കിയത്. മത്സര ഫീയുടെ 20 ശതമാനം തുകയാണ് ഇംഗ്ലണ്ട് താരങ്ങൾക്ക് പിഴയൊടുക്കേണ്ടി വരിക.

മികച്ച വിജയമായിരുന്നു മൂന്നാം ടി20 യിൽ ഇംഗ്ലണ്ടിന്റേത്. പരമ്പരയിലെ നിർണായകമായ മത്സരത്തിൽ ദക്ഷിണാഫ്രിക്ക ഉയർത്തിയ 223 റൺസ് വിജയ ലക്ഷ്യം 5 പന്തുകൾ ബാക്കി നിൽക്കേ ഇംഗ്ലണ്ട് മറികടക്കുകയായിരുന്നു‌. 22 പന്തിൽ 57 റൺസടിച്ച ഓയിൻ മോർഗനായിരുന്നു ഇംഗ്ലണ്ടിനെ തിളങ്ങുന്ന വിജയത്തിലേക്ക് നയിച്ചത്.