ഇന്ത്യ-ന്യൂസിലാൻഡ് ടെസ്റ്റ് പരമ്പര : ന്യൂസിലാൻഡ് ടീമിനെ പ്രഖ്യാപിച്ചു

ഇന്ത്യക്കെതിരെയുള്ള ടെസ്റ്റ് പരമ്പരക്കുള്ള ന്യൂസിലാൻഡ് ടീമിനെ പ്രഖ്യാപിച്ചു. രണ്ട് ടെസ്റ്റുകൾക്കായുള്ള 13 അംഗ ടീമിനെയാണ് ന്യൂസിലാൻഡ് പ്രഖ്യാപിച്ചിരിക്കുന്നത്. ഓസ്ട്രേലിയക്കെതിരെയുള്ള ബോക്സിങ് ഡേ ടെസ്റ്റിൽ പരിക്കേറ്റ് ടീമിനു പുറത്തുപോയ ഫാസ്റ്റ് ബൗളർ ട്രെന്റ് ബോൾട്ടും ടീമിൽ ഇടം നേടിയവരുടെ കൂട്ടത്തിലുണ്ട്.

ജീത് റാവൽ, മിച്ചൽ സാന്റർ, മാറ്റ് ഹെൻറി എന്നിവർക്ക് ടീമിൽ അവസരം ലഭിച്ചിട്ടില്ല.
ഓസ്‌ട്രേലിയക്കെതിരായ ടെസ്റ്റിലെ മോശം പ്രകടനത്തെ തുടർന്നാണിത്.
കഴിഞ്ഞ ഓഗസ്റ്റിലെ ശ്രീലങ്കൻ പര്യടനത്തിന് ശേഷം അജാസ് പട്ടേൽ ടീമിൽ തിരിച്ചെത്തിയിട്ടുണ്ട്. പരിക്കേറ്റ ലോക്കി ഫെർഗുസണ് പകരം കെയ്ൽ ജാമിസണും ടീമിൽ ഇടം നേടിയിട്ടുണ്ട്. ഫെബ്രുവരി 21 നാണ് ആദ്യ ടെസ്റ്റ് മത്സരം.