മിനാമിനോ ഇനി ലിവർപൂളിന് സ്വന്തം

ജാപ്പനീസ് ഫോർവേഡ് ആയ ടാകുമ്മി മിനാമിനോ ലിവർപൂളിലേക്ക്. 7.25 മില്യൺ യൂറോ കൊടുത്ത് ഓസ്ട്രിയൻ ക്ലബ് ആയ റെഡ് ബുൾ സാൽസ്ബർഗിൽ നിന്നാണ് ഈ 24 വയസ്സ് മാത്രം പ്രായമുള്ള താരത്തെ ഇംഗ്ലീഷ് വമ്പന്മാർ സ്വന്തമാക്കിയത്. ജനുവരിയിൽ ട്രാൻസ്ഫർ ജാലകം തുറക്കുമ്പോൾ താരം ലിവർപൂൾ ടീമിനൊപ്പം ചേരും.

ചാമ്പ്യൻസ് ലീഗിൽ ലിവർപൂളിനെതിരേ അത്യുഗ്ര പ്രകടനമായിരുന്നു സാൽസ്ബർഗ് നടത്തിയത്. ആൻഫീൽഡിൽ മൂന്ന് ഗോളുകൾ അവർ അടിച്ചപ്പോൾ ഒരണ്ണം ഈ ജപ്പാൻകാരന്റേതായിരുന്നു. രണ്ടാം പാദത്തിലും മിനാമിനോ മിന്നുന്ന പ്രകടനമാണ് കാഴ്ച വെച്ചിരുന്നത്. ഈ പ്രകടനങ്ങൾ ആണ് യോർഗെൻ ക്ളോപ്പിന്റെ കണ്ണ് താരത്തിൽ ഉടക്കാൻ കാരണം. മാഞ്ചസ്റ്റർ യുണൈറ്റഡിന്റെ ശ്രമങ്ങളെ പരാജപ്പെടുത്തിയാണ് ക്ളോപ്പ് താരത്തിന്റെ സേവനത്തെ ഉറപ്പ് വരുത്തിയത്.

തന്റെ സ്വപ്നം പൂവണിഞ്ഞിരിക്കുന്നു എന്നാണ് മിനാമിനോ ഈ നീക്കത്തെ പറ്റി പ്രതികരിച്ചത്. ക്ളോപ്പ് ആകട്ടെ ഇങ്ങനെ പ്രതികരിച്ചു – “മിനാമിനോ വളരെ വേഗതയുള്ള കൗശലക്കാരനായ കളിക്കാരനാണ്. ബോൾ കൈവശം ഉള്ളപ്പോഴും അല്ലാത്തപ്പോഴും അപകടകാരി തന്നെ. ഒരു ഉത്തമ ടീം പ്ലയെർ ആണ് അദ്ദേഹം. ഞാൻ തികച്ചും സന്തുഷ്ട്ടനാണ്.” ഏതായാലും ഫിർമിഞ്ഞോ, മാനേ,സലാഹ് ത്രയത്തിന്റെ ജോലിഭാരം കുറക്കുകയാവും മിനാമിനോയുടെ പ്രധാന ധൗത്യം.