Foot Ball Top News

നെയ്മറിന് നേരെ വലയെറിഞ്ഞ് സ്പാ​നി​ഷ് ക്ല​ബ്ബ് ബാ​ഴ്സ; 307 കോ​ടി​യും ര​ണ്ടു ക​ളി​ക്കാ​രെയും നൽകും

July 17, 2019

author:

നെയ്മറിന് നേരെ വലയെറിഞ്ഞ് സ്പാ​നി​ഷ് ക്ല​ബ്ബ് ബാ​ഴ്സ; 307 കോ​ടി​യും ര​ണ്ടു ക​ളി​ക്കാ​രെയും നൽകും

ബാ​ഴ്സ​ലോ​ണ: നെയ്മർ ഡ സിൽവ സാന്റോസ് ജൂനിയർ എന്ന 27 കാരനായ നെയ്മറെ അറിയാത്തവരായി ആരുമില്ല. കാൽപന്ത് കളിയിലെ മാന്ത്രികൻ എന്ന് വിശേഷിപ്പിക്കാവുന്ന നെയ്മർ ബ്രസീലിയൻ ഫുട്ബോൾ താരമാണ്. ലോകത്തെമ്പാടും ആരാധകരുള്ള താരം ബ്രസീൽ ദേശീയ ടീം, ഫ്ര​ഞ്ച് ലീ​ഗ് ക്ല​ബ്ബാ​യ പാരീസ് സെയിന്റ് ജർമൻ FC എന്നീ ടീമുകൾക്ക് വേണ്ടിയാണ് കളത്തിലിറങ്ങുന്നത്.

എന്നാൽ ഈ ബ്ര​സീ​ൽ സൂ​പ്പ​ർ താ​രം നെ​യ്മ​റി​നെ വീ​ണ്ടും ക്ല​ബ്ബി​ലെ​ത്തി​ക്കാ​ൻ സ്പാ​നി​ഷ് ക്ല​ബ്ബ് ബാ​ഴ്സ​ലോ​ണ ശ്രമിക്കുകയാണ്. പി​എ​സ്ജി​യു​ടെ താ​ര​മാ​യ നെ​യ്മ​റി​നാ​യി കു​ടീ​ഞ്ഞോ​യെ​യും ഡെം​ബ​ലെ​യെ​യും കൂ​ടാ​തെ 307 കോ​ടി രൂ​പ​യും ന​ൽ​കാ​മെ​ന്നാ​ണ് ബാ​ഴ്സ​യു​ടെ ഇപ്പോഴത്തെ ഓ​ഫ​ർ.

അ​ത്ല​റ്റി​ക്കോ മാ​ഡ്രി​ഡി​ൽ​നി​ന്ന് ഫ്ര​ഞ്ച് താ​രം ആ​ൻ​ത്വാ​ൻ ഗ്രീ​സ്മാ​നെ 926 കോ​ടി ​വിലയ്ക്ക് വാങ്ങിയതിന് പി​ന്നാ​ലെ​യാ​ണ് ബാ​ഴ്സ താരത്തിന് നേരെ വ​ല​യെ​റി​ഞ്ഞ​ത്. അതേ സമയം, ബാ​ഴ്സ​യു​ടെ ഓ​ഫ​ർ വേണ്ടന്ന് വച്ച പി​എ​സ്ജി, 270 മി​ല്യ​ണ്‍ പൗ​ണ്ടി​ൽ (2300 കോ​ടി രൂ​പ) കു​റ​ഞ്ഞ ഒ​രു ഡീ​ലി​നും ഇ​ല്ലെ​ന്നും അറിയിച്ചു.

2018 ജ​നു​വ​രി​യി​ൽ 924 കോ​ടി രൂ​പ​യ്ക്കാ​ണ് ബാ​ഴ്സ ബ്ര​സീ​ൽ താ​ര​മാ​യ കു​ടീ​ഞ്ഞോ​യെ സ്വ​ന്ത​മാ​ക്കി​യ​ത്. 808 കോ​ടി രൂ​പ മു​ട​ക്കി​യാ​ണ് ഫ്ര​ഞ്ചു​കാ​ര​നാ​യ ഡെം​ബ​ല​യെ ക​റ്റാ​ല​ൻ​സ് ത​ട്ട​ക​ത്തി​ലെ​ത്തി​ച്ച​ത്. 222 മി​ല്യ​ണ്‍ യൂ​റോ മു​ട​ക്കി​യാ​ണ് നെ​യ്മ​റെ പാരീസ് സെയിന്റ് ജർമൻ 2017ൽ ​ബാ​ഴ്സ​യി​ൽ നി​ന്ന് സ്വ​ന്ത​മാ​ക്കി​യ​ത്.

Leave a comment