ഏകദിന ലോകകപ്പ് യോഗ്യതാ: ശ്രീലങ്കയ്ക്ക് കൂറ്റൻ ജയം, ലെഗ് സ്പിന്നർ വനിന്ദു ഹസരംഗയുടെ ബൗളിങ്ങിൽ തകർന്നടിഞ്ഞ് യുഎഇ

ശ്രീലങ്കയുടെ ടോപ് ഓർഡർ ബാറ്റർമാർ അർധസെഞ്ചുറികൾ നേടിയപ്പോൾ ലെഗ് സ്പിന്നർ വനിന്ദു ഹസരംഗ ആറ് വിക്കറ്റ് വീഴ്ത്തി മിന്നുന്ന പ്രകടനം നടത്തി പുരുഷ ഏകദിന ലോകകപ്പ് യോഗ്യതാ പോരാട്ടത്തിൽ യുണൈറ്റഡ് അറബ് എമിറേറ്റിനെതിരെ (യുഎഇ) 175 ന്റെ കൂറ്റൻ വിജയത്തോടെ 1996ലെ ചാമ്പ്യന്മാർ അവരുടെ വിജയം സ്വന്തമാക്കി.

ബാറ്റിങ്ങിലെ മികവിന് ശേഷം ബൗളിങ്ങിൽ ലെഗ് സ്പിന്നർ വനിന്ദു ഹസരംഗ വമ്പൻ പ്രകടനം നടത്തി. ലെഗ് സ്പിന്നർ വനിന്ദു ഹസരംഗയുടെ മാരക ബൗളിങ്ങിന് മുന്നിൽ യുഎഇ തകർന്നടിയുകയായിരുന്നു.

പാത്തും നിസ്സാങ്ക (57), ദിമുത് കരുണരത്‌നെ (52), സദീര സമരവിക്രമ (73), ടോപ്‌സ്‌കോറർ കുസൽ മെൻഡിസ് (78) എന്നിവരുടെ മികച്ച നാല് സ്‌കോറുകളോടെ ശ്രീലങ്ക അമ്പത് ഓവറിൽ 355/6 എന്ന വലിയ സ്‌കോറാണ് നേടിയത്.മറുപടി ബാറ്റിങ്ങിനിറങ്ങിയ യുഎഇയെ 180 റൺസിന് ഓൾഔട്ടാക്കി. യുഎഇക്ക് വേണ്ടി മുഹമ്മദ് വസീം 39, വൃത്യ അരവിന്ദ് 39, എന്നിവർ ഭേദപ്പെട്ട പ്രകടനം നടത്തി. വനിന്ദു ഹസരംഗ 24 റൺസ് വഴങ്ങി ആറ് വിക്കറ്റ് നേടി.