നാന്റസ് ഇന്റർനാഷണൽ ചലഞ്ച് മിക്‌സഡ് ഡബിൾസിൽ ഇന്ത്യക്ക് തോൽവി
നാന്റസ് ഇന്റർനാഷണൽ ചലഞ്ച് 2023 മിക്‌സഡ് ഡബിൾസ് ബാഡ്മിന്റൺ ഫൈനലിൽ ഇന്ത്യയുടെ തനിഷ-കെ. സായ് പ്രതീക് സഖ്യം 21-14, 14-21, 17-21 എന്ന സ്‌കോറിന് ഡാനിഷ് ജോഡികളായ മാഡ്‌സ് വെസ്റ്റർഗാർഡ്-ക്രിസ്റ്റിൻ ബുഷ് ജോഡിയോട് പരാജയപ്പെട്ടു. 51 മിനിറ്റ് നീണ്ട മത്സരത്തിൽ ആണ് അവർ തോറ്റത്..
പുരുഷ സിംഗിൾസിൽ ഇന്ത്യയുടെ സമീർ വർമ ശനിയാഴ്ച സെമിയിൽ ഫ്രാൻസിന്റെ അർനോഡ് മെർക്കലിനോട് പരാജയപ്പെട്ടു, നേരിട്ടുള്ള ഗെയിമുകൾക്ക് 21-19, 21-16. ഫൈനലിൽ ക്വാളിഫയർ താരം ഇന്തോനേഷ്യയുടെ ജേസൺ ക്രൈസ്റ്റ് അലക്‌സാണ്ടറിനെ 21-18, 21-16 എന്ന സ്‌കോറിന് തോൽപ്പിച്ചാണ് മെർക്കൽ കിരീടം നേടിയത്.
വനിതാ സിംഗിൾസിൽ ഇന്ത്യയുടെ അദിതി ഭട്ട് സെമിയിൽ ചൈനീസ് തായ്‌പേയിയുടെ ലിയാങ് ടിംഗ് യുവിനോട് 21-19, 21-17 എന്ന സ്‌കോറിന് തോറ്റു പുറത്തായി. ഞായറാഴ്ച നടന്ന ഫൈനലിൽ ഇന്തോനേഷ്യയുടെ കൊമാങ് അയു കാഹ്യാ ദേവിയോടാണ് ചൈനീസ് തായ്പേയ് താരം പരാജയപ്പെട്ടത്.
