ഡബ്ള്യുടിസി ഫൈനൽ: ഓസ്ട്രേലിയ 123/4, 296 റൺസ് ലീഡ്
ലോക ടെസ്റ്റ് ചാമ്പ്യൻഷിപ്പ് ഫൈനലിന്റെ മൂന്നാം ദിനമായ വെള്ളിയാഴ്ച ഇന്ത്യയ്ക്കെതിരായ മൊത്തത്തിലുള്ള ലീഡ് 296 റൺസിലേക്ക് ഉയർത്തിക്കൊണ്ട് ഓസ്ട്രേലിയ തങ്ങളുടെ രണ്ടാം ഇന്നിംഗ്സിൽ നാല് വിക്കറ്റ് നഷ്ടത്തിൽ 123 റൺസ് എടുത്തിട്ടുണ്ട്.
കളി നിർത്തുമ്പോൾ മാർനസ് ലബുഷാഗ്നെയും കാമറൂൺ ഗ്രീനും യഥാക്രമം 41 ഉം 7 ഉം റൺസുമായി ബാറ്റ് ചെയ്യുകയാണ്അ ഞ്ച് വിക്കറ്റ് നഷ്ടത്തിൽ 151 എന്ന നിലയിൽ ഓവർനൈറ്റ് പുനരാരംഭിച്ച ഇന്ത്യക്ക് കെഎസ് ഭാരതിനെ തുടക്കത്തിലേ നഷ്ടമായെങ്കിലും അജിങ്ക്യ രഹാനെയും (89) ഷാർദുൽ താക്കൂറും (51) ഏഴാം വിക്കറ്റിൽ 109 റൺസ് കൂട്ടിച്ചേർത്ത് ഓവലിൽ ഫോളോ ഓൺ ഒഴിവാക്കാൻ ടീമിനെ സഹായിച്ചു.
എന്നിരുന്നാലും, ഉച്ചഭക്ഷണ ഇടവേളയ്ക്ക് ശേഷം ഇന്ത്യയ്ക്ക് ശേഷിക്കുന്ന വിക്കറ്റുകൾ വേഗത്തിൽ നഷ്ടമായി,
ഓസ്ട്രേലിയയ്ക്കായി ക്യാപ്റ്റൻ പാറ്റ് കമ്മിൻസ് മൂന്ന് വിക്കറ്റ് വീഴ്ത്തിയപ്പോൾ മിച്ചൽ സ്റ്റാർക്ക്, സ്കോട്ട് ബോൾണ്ട്, കാമറൂൺ ഗ്രീൻ എന്നിവർ രണ്ട് വിക്കറ്റ് വീതം വീഴ്ത്തി.
സ്കോറുകൾ: ഓസ്ട്രേലിയ 469, 44 ഓവറിൽ 123/4 (മർനസ് ലബുഷാഗ്നെ 41 ബാറ്റിംഗ്; രവീന്ദ്ര ജഡേജ 2/15) ഇന്ത്യ ഒന്നാം ഇന്നിംഗ്സ് 69.4 ഓവറിൽ 296 (അജിങ്ക്യ രഹാനെ 89, ശാർദുൽ താക്കൂർ 51)
