ഏകദിന വസന്തങ്ങൾ എന്ന പ്രയോഗത്തിൽ ലജ്ജിച്ചു തല താഴ്ത്തേണ്ടി വരുന്നതിൽ ഖേദമുണ്ട്. രോഹിത് ശർമ്മ, കെ എൽ രാഹുൽ, എന്നിവരെല്ലാം തന്നെ ഒരു ടി ട്വൻറി ഔട്ട്‌ ഫിറ്റിന്റെ സ്കോറിങ് വേഗത കളയുന്ന കളിക്കാരാണ്. ആങ്കറിങ് മോഡിൽ ടി ട്വൻറി കളിക്കുന്ന 3 പേരൊക്കെ ഒരുമിച്ചു വരുന്നൊരു ടോപ്‌ ഓർഡറുള്ള ബാറ്റിംഗ് നിരയുടെ അവസ്ഥ ദയനീയമായിരിക്കും.എല്ലാവർക്കും സെറ്റാവാൻ അറ്റ് ലീസ്റ്റ് 10 പന്തെങ്കിലും വേണം. ഈ ടൂർണമെന്റിൽ 136 സ്ട്രൈക്ക് റേറ്റിൽ കളിച്ച കോഹ്ലി പക്ഷേ മെച്ചപ്പെട്ട പ്രകടനമാണ് നടത്തിയത്.തുടക്കവും മിഡിൽ ഓവറുകളും സ്ലോഗ് ഓവറുകളും വരെ കൈകാര്യം ചെയ്യേണ്ട രീതിയിലുള്ള പ്രഷറാണ് കോഹ്ലിയും സൂര്യയും അനുഭവിച്ചത്. അതായത് ഇന്ത്യൻ ബാറ്റിംഗ് നിരയിൽ മിക്ക കളികളിലും പ്രൊപ്പർ ടോപ്‌ ഓർഡറും മിഡിൽ ഓർഡറും ഫിനിഷർമാരും ഇല്ലായിരുന്നു. എല്ലാം ചെയ്തത് കോഹ്ലിയും സൂര്യകുമാറും തന്നെ. രണ്ടു നല്ല ഓപ്പണർമാർ മികച്ച തുടക്കം നൽകുന്നൊരു ടീമിൽ പോസിറ്റീവ് ആയി കളിക്കുന്ന കോഹ്ലിക്ക് തീർച്ചയായും സ്ഥാനമുണ്ട്, അറ്റ് ലീസ്റ്റ് ഒരു കൊല്ലത്തേക്ക് എങ്കിലും.