ക്ലാസിക്കോ തോൽവിക്ക് ശേഷം റഫറിയുമായി ഏറ്റുമുട്ടിയതിന് ലാപോർട്ടയ്ക്ക് പിഴ
ഞായറാഴ്ച എൽ ക്ലാസിക്കോയിൽ റയൽ മാഡ്രിഡിനോട് ടീം 3-1 ന് തോറ്റതിന് ശേഷം റഫറിയുടെ വസ്ത്രം മാറുന്ന മുറിയിലേക്ക് ഇരച്ചുകയറിയതിന് ബാഴ്സലോണ പ്രസിഡന്റ് ജോവാൻ ലാപോർട്ടയ്ക്ക് 602 യൂറോ പിഴ ചുമത്തി.എറിക് ഗാർസിയ റോഡ്രിഗോയെ വീഴ്ത്തിയതിന് ശേഷം VAR റയലിന് പെനാല്ട്ടി നല്കിയിരുന്നു.എന്നാല് ലെവന്ഡോസ്ക്കിയെ കര്വഹാള് വീഴ്ത്തിയതിന് റഫറി വാര് നോക്കാത്തത് ആണത്രേ ലപോര്ട്ടയെ ചൊടിപ്പിച്ചത്.
മത്സരത്തിന് ശേഷം ഒഫീഷ്യലിന്റെ വസ്ത്രം മാറുന്ന മുറിയിൽ വെച്ച് റഫറി ജോസ് മരിയ സാഞ്ചസ് മാർട്ടിനെസിന്റെ തീരുമാനം ചോദ്യം ചെയ്യാന് ലപോര്ട്ട പോയത് അച്ചടക്ക കോഡിന്റെ ആർട്ടിക്കിൾ 133 നു എതിരാണ് എന്ന് കണ്ടെത്തിയതിനെ തുടര്ന്ന് കോമ്പറ്റീഷൻ കമ്മിറ്റി ബുധനാഴ്ച അദ്ദേഹത്തിന് പിഴ ചുമത്തി. ഇന്ററിനെതിരായ മത്സരത്തിലും റഫറിയുടെ മോശം തീരുമാനം മൂലം ബാഴ്സക്ക് കനത്ത വില നല്കേണ്ടി വന്നു എന്നും അദ്ദേഹം ആരോപണങ്ങള് ഉന്നയിച്ചിരുന്നു.
