കോപ്പന്ഹേഗന് സിറ്റി മത്സരം ഗോള് രഹിത സമനിലയില്
ചൊവ്വാഴ്ച പാർക്കൻ സ്റ്റേഡിയത്തിൽ എഫ്സി കോപ്പൻഹേഗനുമായി 0-0 ന് സമനിലയിൽ പിരിഞ്ഞതിനാൽ മാഞ്ചസ്റ്റർ സിറ്റി ചാമ്പ്യന്സ് ലീഗ് സീസണില് ആദ്യമായി പോയിന്റുകള് നഷ്ട്ടപ്പെടുത്തി.30 മിനിറ്റിനുള്ളിൽ സെർജിയോ ഗോമസിന് ചുവപ്പ് കാർഡ് ലഭിച്ചതിനെത്തുടർന്ന് സിറ്റി 10 പേരുമായി കളിക്കാൻ നിർബന്ധിതനായി. പ്രീമിയർ ലീഗ് ചാമ്പ്യന്മാർ കോപ്പന്ഹേഗന് എഫ്സിക്കെതിരെ ആധിപത്യം സ്ഥാപിക്കാൻ പാടുപെട്ടു, ഈ സീസണിൽ ആദ്യമായി ഗോൾ നേടുന്നതിൽ സിറ്റി പരാജയപ്പെട്ടു.
ഫോമില് ഉള്ള യുവ താരങ്ങള് ആയ ഫില് ഫോഡന് ,എര്ലിംഗ് ഹാലണ്ട് എന്നിവര്ക്ക് പെപ്പ് വിശ്രമം അനുവദിച്ചിരുന്നു.ചൊവ്വാഴ്ച സെവിയ്യയുമായി ബൊറൂസിയ ഡോർട്ട്മുണ്ട് 1-1 ന് സമനില വഴങ്ങിയതോടെ സിറ്റി 16-ാം റൗണ്ടിൽ സ്ഥാനം ഉറപ്പിച്ചു.താരങ്ങള് പലരും കളിക്കാന് ഇറങ്ങാത്തത് പരിക്ക് മൂലവും വിശ്രമ രഹിതമായ മത്സര ഫിക്സ്ച്ചര് മൂലവുമാണ് എന്ന് പെപ്പ് മത്സരശേഷം വെളിപ്പെടുത്തി.പതിവായി അനേകം അവസരങ്ങള് സൃഷ്ട്ടിക്കുന്ന ഒരു പതിവ് സിറ്റി മാച്ചില് നിന്ന് ഏറെ വ്യതസ്ഥമായിരുന്നു ഇന്നലത്തെ മത്സരം.പ്രത്യേകിച്ച് രണ്ടാം പകുതിയുടെ ഭൂരിഭാഗ സമയവും വളരെ നിലവാരം കുറഞ്ഞ കളിയായിരുന്നു സിറ്റി കാഴ്ച്ചവെച്ചത്.
