യുസിഎല്‍ റൗണ്ട് ഓഫ് 16 ; പിഎസ്ജി vs റയല്‍
ചൊവ്വാഴ്ച രാത്രി ചാമ്പ്യൻസ് ലീഗ് റൗണ്ട് ഓഫ് 16 ല്‍ പാരീസ് സെന്റ് ജെർമെയ്നും റയൽ മാഡ്രിഡും ഏറ്റുമുട്ടും, ഇരു ടീമുകളും തങ്ങളുടെ ആദ്യ റൗണ്ടില്‍ തന്നെ വിജയം നേടി കൊണ്ട് എതിരാളിയുടെ മേലില്‍ ആധിപത്യം നേടിയെടുക്കാന്‍ താല്‍പര്യപ്പെടുന്നു.നോക്കൗട്ട് റൗണ്ടിൽ സ്ഥാനം ഉറപ്പിക്കാൻ ആതിഥേയർ ഗ്രൂപ്പ് എയിൽ രണ്ടാം സ്ഥാനത്തെത്തിയപ്പോള്‍ 13 തവണ ജേതാക്കളായ റയൽ മാഡ്രിഡ് ഗ്രൂപ്പ് ഡിയിൽ ഒന്നാം സ്ഥാനം നേടി 16-ാം റൗണ്ടിലെത്തി.
പാര്‍ക്ക് ഡേ പ്രിന്‍സസില്‍ ഇന്ത്യന്‍ സമയം ഒന്നരക്ക് ആണ് മത്സരം നടക്കാന്‍ പോകുന്നത്.ഇരു ടീമുകളും ഏറ്റുമുട്ടുന്നത് ലോകം മൊത്തം ഉറ്റുനോക്കിയിരിക്കുകയാണ്.ബാഴ്സ ജേഴ്സി ഇല്ലാതെ മെസ്സി റയലിനെ ചരിത്രത്തില്‍ ആദ്യമായാണ് നേരിടാന്‍ പോകുന്നത്,കൂടാതെ അടുത്ത സീസണില്‍ റയല്‍ സ്വപ്നം കണ്ടു നടക്കുന്ന എംബപ്പെ എങ്ങനെ അവരെ നേരിടുന്നു എന്നറിയാനും ആരാധകര്‍ കാത്തിരിക്കുന്നു.ഇന്നത്തെ മത്സരത്തില്‍ റാമോസ് ഇല്ലാത്തത് പിഎസ്ജിക്കും ലോക ഫുട്ബോള്‍ ആരാധകര്‍ക്കും വലിയ ഒരു തിരിച്ചടി തന്നെ ആണ്.ലാലിഗയില്‍ ഫോമില്‍ തുടരുന്ന റയലിന് ഇത് വരെ വലിയ വെല്ലുവിളികള്‍ ഒന്നും നേരിടേണ്ടി വന്നിട്ടില്ല,അതിനാല്‍ ഒരു ടീം എന്ന നിലയില്‍ അന്‍സലോട്ടി എത്രതോള്ളം റയലിനെ ഉയര്‍ത്തി എന്നതിനുള്ള ചോദ്യം ഇന്നറിയാന്‍ കഴിയും.കടുത്ത ഫോമില്‍ ഉള്ള ബെന്‍സെമയില്‍ തന്നെ ആണ് റയലിന്റെ ആത്മവിശ്വാസം കുടികൊള്ളുന്നത്.സ്ക്വാഡില്‍ ഇടം നെടുമെങ്കിലും നെയ്‌മര്‍ കളിക്കാന്‍ സാധ്യത കുറവ് ആണ് എന്നാണ് റിപ്പോര്‍ട്ട്.
