ലിവർപൂളിനെ എഴുതിത്തള്ളാൻ ആവില്ല ;ഗാർഡിയോള

പ്രീമിയർ ലീഗ് പോരാട്ടം കനക്കുമ്പോൾ പോയിൻറ് ടേബിൾ രണ്ടാംസ്ഥാനക്കാരായ ലിവർപൂളിനെ എഴുതിത്തള്ളാൻ ആവില്ല എന്ന് മാഞ്ചസ്റ്റർ സിറ്റി മാനേജർ ഗാർഡിയോള അഭിപ്രായപ്പെട്ടു. ഇന്നലെ നോർവിച്ച് സിറ്റി ക്കെതിരെയുള്ള മത്സരത്തിന് തൊട്ടുമുമ്പാണ് ഗാർഡിയോള പ്രീമിയർ ലീഗ് കിരീട പോരാട്ടത്തിൽ ലിവർപൂളിന് ഇനിയും മാഞ്ചസ്റ്റർ സിറ്റിക്ക് വെല്ലുവിളി ഉയർത്താൻ കഴിയുമെന്ന് പറഞ്ഞത്.

നിലവിൽ ലിവർപൂൾ മാഞ്ചസ്റ്റർ സിറ്റിയും തമ്മിൽ 9 പോയൻ്റ് വിത്യാസമാണ് ഉള്ളത്.മാഞ്ചസ്റ്റർ സിറ്റിയെ മറികടക്കാൻ കഴിയുമെന്ന പ്രതീക്ഷയില്ലെന്നാണ് ലെസ്റ്റർ സിറ്റി എതിരെയുള്ള മത്സരത്തിന് ശേഷം ലിവർപൂൾ മാനേജർ ക്ലോപ്പ് മാധ്യമങ്ങളോട് പ്രതികരിച്ചത്.ലിവർപൂൾ മാനേജരുടെ പ്രതികരണത്തിന് മറുപടിയെന്നോണം ആണ് മാഞ്ചസ്റ്റർ സിറ്റി മാനേജർ ഗാർഡിയോള ലിവർപൂളിന് ഇനിയും മാഞ്ചസ്റ്റർ സിറ്റിക്ക് എതിരെ വെല്ലുവിളി ഉയർത്താൻ കഴിയും എന്ന് പറഞ്ഞത്. ലീഗിൽ ഒന്നാം സ്ഥാനത്ത് തുടരുന്ന മാഞ്ചസ്റ്റർ സിറ്റിയെക്കാൾ 9 പോയൻ്റ് പുറികിലാണ് ലിവർപൂൾ എങ്കിലും സിറ്റിയെക്കാൾ 2 മത്സരം കുറവാണ് ലിവർപൂൾ കളിച്ചിട്ടുള്ളത്.