ക്ലബ് വേള്‍ഡ് നേടുക എന്ന ദൗത്യവുമായി ചെല്‍സി
ശനിയാഴ്ച അബുദാബിയിൽ നടക്കുന്ന ക്ലബ് ലോകകപ്പ് ഫൈനലിൽ ചാമ്പ്യൻസ് ലീഗ് ജേതാക്കളായ ചെൽസിയും കോപ്പ ലിബർട്ടഡോർസ് ചാമ്പ്യൻമാരായ പാൽമിറാസും ഏറ്റുമുട്ടും.ബുധനാഴ്ച നടന്ന സെമിഫൈനലിൽ ഇംഗ്ലീഷ് സംഘം അൽ-ഹിലാലിനെ പരാജയപ്പെടുത്തി, എതിരാളികൾ ഈജിപ്ഷ്യൻ വമ്പൻമാരായ അൽ-അഹ്‌ലിയെ മറികടന്ന് ഫൈനലിലെത്തി.ഇന്ന് ഇന്ത്യന്‍ സമയം പത്ത് മണിക്ക് ആണ് മത്സരം നടക്കാന്‍ പോകുന്നത്.
വിയ്യാറയലിനെതിരെ പെനാൽറ്റിയിൽ യുവേഫ സൂപ്പർ കപ്പ് വിജയിച്ചെങ്കിലും, പുതിയ സീസൺ മികച്ച രീതിയിൽ ആരംഭിക്കാൻ, തോമസ്‌ ടൂഷലിനു കഴിഞ്ഞില്ല.തുടക്കത്തില്‍ ലീഗ് നേടുമെന്ന പ്രതീക്ഷയില്‍ ലീഗ് ആരംഭിച്ച അവര്‍ നിലവില്‍ മൂന്നാം സ്ഥാനത്താണ്.ഈ കൊല്ലം ലീഗ് നേടുമെന്ന പ്രതീക്ഷ എല്ലാം മാറ്റിവച്ച ചെല്‍സിക്ക് ഇത് വലിയ ഒരു ഊര്‍ജം ആയിരിക്കും നല്‍കുന്നത്.കൂടാതെ 2012 ല്‍ കൊറിന്ത്യന്‍സിനോട് പരാജയപ്പെട്ട അവര്‍ക്ക് ആദ്യ ക്ലബ് വേള്‍ഡ് കപ്പ് നേടാനുള്ള അവസരം ആണിത്.
