ചാമ്പ്യന്സ് ലീഗില് സിറ്റി ഇന്ന് ഒളിമ്പിയാക്കോസിനെതിരെ
ഒളിമ്പിയാക്കോസിലേക്കുള്ള ഒരു യാത്രയുമായി ചാമ്പ്യൻസ് ലീഗ് കാമ്പെയ്ൻ പുനരാരംഭിക്കുമ്പോൾ മാഞ്ചസ്റ്റർ സിറ്റി അവരുടെ ഒന്നാം സ്ഥാനം നിലനിര്ത്തുന്നതിന് വേണ്ടി നീക്കങ്ങള് തുടരും.ടോട്ടൻഹാം ഹോട്സ്പറിനോട് സിറ്റിസൺസ് 2-0ന് തോറ്റു, പ്രീമിയർ ലീഗിൽ 13 ആം സ്ഥാനത്താണ്,ഇപ്പോള് സിറ്റിയുടെ നില അല്പം പരുങ്ങലില് ആണ്.ഇന്ന് രാത്രി ഇന്ത്യന് സമയം 11:25 നാണ് മല്സരം നടക്കാന് പോകുന്നത്.
ഓപ്പണിംഗ് ഗ്രൂപ്പ് മത്സരത്തിൽ സിറ്റി 3-1ന് പോർട്ടോയെ പരാജയപ്പെടുത്തി, മാർസെയ്ലിനെയും ഒളിമ്പിയാക്കോസിനെയും ഒരേ 3-0 സ്കോറിൽ മറികടന്ന് ഒമ്പതിൽ നിന്ന് ഒമ്പത് പോയിന്റുകൾ നേടി സിറ്റി ചാമ്പ്യന്സ് ലീഗ് നോക്കൌട്ട് ഘട്ടത്തിലേക്ക് കടക്കുന്നത് ഏകദേശം ഉറപ്പായ കാര്യമാണ്.ഒരു ജയം മാത്രം നേടിയ ഒളിമ്പിയാക്കോസ് പോയിന്റ് പട്ടികയില് പോര്ട്ടോയ്ക്ക് താഴെ മൂന്നാം സ്ഥാനത്താണ്.
