മൊറാട്ട ഇറ്റലിയിലേക്ക്

അറ്റ്ലെറ്റിക്കോ മാഡ്രിഡിൽ നിന്ന് യുവന്റസിലേക്ക് മടങ്ങിവരാനുള്ള ഒരുക്കത്തിലാണ് അൽവാരോ മൊറാട്ട.2014-16 മുതൽ യുവന്‍റസിന് കളിച്ച 27 കാരൻ പ്രാഥമിക വായ്പാ നീക്കത്തിന് മുന്നോടിയായി ചൊവ്വാഴ്ച മെഡിക്കൽ പരിശോധന നടത്തണം.യുവന്റസ് 11 ദശലക്ഷം ഡോളർ വായ്പ ഫീസ് അടയ്ക്കാൻ  തയ്യാറാണ്.പിന്നീട് യുവന്‍റസിന് താരത്തിനെ വാങ്ങാനുള്ള ഓപ്ഷനും ഉണ്ട്.

ലൂയി സുവാരസിനെയും എഡിന്‍ ഡെക്കോയെയും യുവന്‍റസ് ഇതോടെ പിന്തുടരുന്നത് നിര്‍ത്തിയേക്കും.ടൂറിനിലെ രണ്ട് സീസണുകളിലായി 93 കളികളിൽ നിന്ന് 27 ഗോളുകൾ നേടി, മാസിമിലിയാനോ അല്ലെഗ്രിയുടെ കീഴില്‍   കാർലോസ് ടെവസുമായി മികച്ച ആക്രമണ പങ്കാളിത്തം സൃഷ്ടിച്ചു മൊറാട്ട.മൊറാട്ട ചുരുങ്ങിയ കാലം കൊണ്ട് റയല്‍ മാഡ്രിഡ്,അത്ലറ്റിക്കോ മാഡ്രിഡ്,ചെല്‍സി,യുവന്‍റസ് എന്നിങ്ങനെ യൂറോപ്പിലെ എല്ലാ മികച്ച ക്ലബുകളുടെ ഒപ്പം കളിക്കാന്‍ അവസരം ലഭിച്ച താരമാണ് മൊറാട്ട.