അത്ലറ്റിക്കോയ്ക്ക് സമനില;പോയിന്‍റ് ടെബളില്‍ മാറ്റമില്ലാതെ തുടരും
ഇന്ന് ലാലിഗയില്‍ സാന്‍ മീംസില്‍ നടന്ന മല്‍സരത്തില്‍ അതലറ്റിക്കോ മാഡ്രിഡിനും അത്ലറ്റിക്കോ ബിലിബാവോയ്ക്കും സമനില.ഇരുവരും ഓരോ ഗോള്‍ വീതം നേടുകയും ഓരോ പോയിന്‍റ് വീതം പങ്കിട്ടെടുക്കുകയും ചെയ്തു.മല്‍സരത്തിലെ മുഴുവന്‍ ഗോളുകളും ആദ്യ പകുതിയില്‍ നിന്ന് തന്നെയാണ് പിറന്നത്.
37 ആം മിനുട്ടില്‍ യൂറി ബെര്‍ചിച്ചെ നല്‍കിയ അസിസ്റ്റില്‍ ഐക്കര്‍ മുനിയന്‍ ഗോള്‍ നേടി ബിലിബാവോയ്ക്ക് ലീഡ് നേടി കൊടുത്തു.എന്നാല്‍ അധിക നേരത്തിന് ലീഡ് ഉണ്ടായില്ല.രണ്ട് മിനിറ്റിന് ശേഷം കൊക്കേയുടെ അസിസ്റ്റില്‍ സ്ട്രൈകര്‍ ഡിയഗോ കോസ്റ്റ മാഡ്രിഡിന് വേണ്ടി അക്കൌണ്ട് തുറന്നു.രണ്ടാം പകുതിയില്‍ അത്ലറ്റിക്കോ മാഡ്രിഡ് മൊറാട്ട,കൊറെയ,ലേമാര്‍ എന്നിവരേ പരീക്ഷിച്ച് നോക്കിയെങ്കിലും പ്രത്യേകിച്ച് ഗുണമൊന്നും ഉണ്ടായില്ല.പോയിന്‍റ് ടെബളില്‍ അത്ലറ്റിക്കോ മാഡ്രിഡ് ആറാം സ്ഥാനത്ത് തന്നെ തുടരുകയാണ്.
