ദുബായ് ഓപൺ : സാനിയ മിർസ പ്രീക്വാർട്ടറിൽ

ദുബായ് ഓപണിൽ സാനിയ മിർസാ സഖ്യം പ്രീക്വാർട്ടറിലേക്ക്. ആദ്യ റൗണ്ട് മത്സരത്തിൽ സാനിയ മിർസ കാരൊലീൻ ഗാർസിയ സഖ്യം റഷ്യൻ താരമായ അല്ല കുദ്രയ്വ്ത്സേവ സ്ലോവനിയൻ താരമായ കത്രീന സെബോറ്റ്നിക് സഖ്യത്തെ ആണ് പരാജയപ്പെടുത്തിയത്. ശക്തമായ പോരാട്ടത്തിനൊടുവിൽ 6-4, 4-6, 10-8 എന്ന സ്കോറിനായിരുന്നു സാനിയ സഖ്യത്തിന്റെ ജയം.

പ്രീക്വാർട്ടറിൽ സൈസൈ ഷെങ്- ബാർബൊറ സഖ്യത്തെയാകും സാനിയയുടെ സഖ്യം നേരിടുക. നേരത്തെ ഓസ്ട്രേലിയൻ ഓപണിൽ നിന്ന് പരിക്കു കാരണം സാനിയ പിന്മാറിയിരുന്നു.
ദുബായ് ഓപണിൽ ജയിച്ചു കയറി റാങ്കിംഗിൽ വലിയ കുതിപ്പ് നടത്താനാകും സാനിയയുടെ ശ്രമം.