വനിതാ ഏഷ്യൻ കപ്പ് 2022 ന് ആതിഥേയത്വം വഹിക്കാൻ ഇന്ത്യ
2022ലെ വനിതാ ഏഷ്യൻ കപ്പിന് ഇന്ത്യ ആതിഥേരായേക്കും. എ എഫ് സി ഇക്കാര്യത്തിൽ തീരുമാനമെടുത്തതായാണ് സൂചന. ഇന്ത്യ ഏഷ്യാ കപ്പിന് ആതിഥ്യം വഹിക്കാൻ തയ്യാറാണ് എന്ന് എ എഫ് സിയെ അറിയിച്ചിരുന്നു.
മൂന്ന് നഗരങ്ങളിലായി ടൂർണമെന്റ് നടത്താം എന്നാണ് ഇന്ത്യ ഇപ്പോൾ അറിയിച്ചിരിക്കുന്നത്.
നേരത്തെ ഒരു നഗരത്തിൽ നടത്താം എന്നായിരുന്നു തീരുമാനം. ഇതിന് തടസ്സം നേരിട്ടതോടെയാണ് തീരുമാനം തിരുത്തിയത്. അഹമ്മദബാദിലെ ട്രാൻസ് സ്റ്റേഡിയം , മുംബൈയിലെ ഡി വൈ പാട്ടിൽ സ്റ്റേഡിയം, ഗോവയിലെ ഫതോർഡ് സ്റ്റേഡിയം എന്നിവയാകും ടൂർണമെന്റിന് വേദിയാവുക.
