2020 അണ്ടർ 19 ലോകകപ്പ് ക്രിക്കറ്റിന് ഇന്ന് തുടക്കമാകും

അന്താരാഷ്ട്ര ഏകദിന  ക്രിക്കറ്റ് ടൂർണമെന്റാണ് ഐസിസി അണ്ടർ -19 ലോകകപ്പ് ക്രിക്കറ്റ്. ടൂർണമെന്റിന് ഇന്ന് തുടക്കമാകും. അണ്ടർ 19 ക്രിക്കറ്റ് ലോകകപ്പിന്റെ പതിമൂന്നാം പതിപ്പും ദക്ഷിണാഫ്രിക്കയിൽ നടക്കുന്ന രണ്ടാമത്തേതും ആണിത്. ടൂർണമെന്റിൽ പതിനാറ് ടീമുകൾ പങ്കെടുക്കും,16 ടീമുകളെയും നാല് ഗ്രുപ്പുകളാക്കിയാകും മത്സരം. ഓരോ ഗ്രൂപ്പിലെയും മികച്ച രണ്ട് ടീമുകൾ സൂപ്പർ ലീഗിലേക്ക് മുന്നേറും. .ഓരോ ഗ്രൂപ്പിലെയും ഏറ്റവും താഴെയുള്ള രണ്ട് ടീമുകൾ പ്ലേറ്റ് ലീഗിലേക്ക് മുന്നേറുന്നു. 2020 ജനുവരി 17 മുതൽ ഫെബ്രുവരി 9 വരെ ദക്ഷിണാഫ്രിക്കയിൽ ആണ് മത്സരങ്ങൾ നടക്കുന്നത്.

ഇന്ത്യയാണ് നിലവിലെ ചാമ്പ്യന്മാർ. ഓസ്‌ട്രേലിയയെ തോൽപ്പിച്ചാണ് ഇന്ത്യ കഴിഞ്ഞ തവണ കിരീടം സ്വന്തമാക്കിയത്.  നാളെ നടക്കുന്ന ആദ്യ  മത്സരത്തിൽ ദക്ഷിണാഫ്രിക്ക അഫ്ഗാനിസ്ഥാനെ നേരിടും. 2018 ലോകകപ്പിലെ അന്താരാഷ്ട്ര ക്രിക്കറ്റ് കൗൺസിലിലെ (ഐസിസി) മികച്ച പതിനൊന്ന് ടീമുകൾ 2020 ടൂർണമെന്റിലേക്ക് യോഗ്യത നേടി. അഫ്ഗാനിസ്ഥാൻഓസ്‌ട്രേലിയ,ബംഗ്ലാദേശ്, ഇംഗ്ലണ്ട് ,ഇന്ത്യ, ന്യൂസിലൻഡ്, പാകിസ്ഥാൻ, ദക്ഷിണാഫ്രിക്ക, ശ്രീലങ്ക, വെസ്റ്റ് ഇൻഡീസ്, സിംബാബ്‌വെ, നൈജീരിയ, കാനഡ,യുണൈറ്റഡ് അറബ് എമിറേറ്റ്സ്,ജപ്പാൻ,സ്കോട്ട്ലൻഡ് എന്നീ ടീമുകൾ ആണ് ടൂർണമെന്റിൽ മൽസരിക്കുന്നത്.