ലാലിഗ ; ഒറ്റ ഗോള്‍ ലീഡില്‍ ഏഴാം വിജയം സ്വന്തമാക്കി ബാഴ്സലോണ
ടോപ് സ്‌കോറർ റോബർട്ട് ലെവൻഡോവ്‌സ്‌കിയുടെ ഗോളില്‍ ബാഴ്സ ഗെറ്റാഫെക്കെതിരെ വിജയം നേടി.ഇത് അവരുടെ തുടര്‍ച്ചയായ ഏഴാമത്തെ വിജയം ആണ്.ആദ്യമായാണ് ഒറ്റ ഗോളില്‍ ബാഴ്സക്ക് ഈ സീസണില്‍ കളി അവസാനിപ്പിക്കേണ്ടി വന്നത്.അത്രക്ക് മികച്ച പ്രതിരോധം ആയിരുന്നു ഗെട്ടാഫെ പിച്ചില്‍ കാഴ്ചവെച്ചത്.അത് കൂടാതെ കീപ്പര്‍ ആയി നിന്ന സോറിയ പല മികച്ച സേവുകളും കാഴ്ചവെച്ചു.
മിഡ്ഫീല്‍ഡില്‍ ഇന്നലെ ഫ്ലിക്ക് അണിനിരത്തിയത് ഗാര്‍സിയ,കസാഡോ,ടോറെ എന്നിവരെ ആണ്.ഇവരെ കൊണ്ട് പിച്ചില്‍ അവസരങ്ങള്‍ സൃഷ്ട്ടിക്കാന്‍ കഴിഞ്ഞില്ല.അത് കാരണം ഇന്നലെ ബാഴ്സക്ക് പിച്ചില്‍ വേണ്ടുന്ന അവസരങ്ങള്‍ ഒന്നും കാര്യമായി സൃഷ്ട്ടിക്കാന്‍ കഴിഞ്ഞില്ല.19 ആം മിനുട്ടില്‍ കൂണ്ടേ നല്കിയ ക്രോസ് മര്യാദക്ക് ക്ലിയര്‍ ചെയ്യാന്‍ കഴിയാതെ പോയത് ലെവ മുതല്‍ എടുത്തു.ഇത് കൂടാതെ പറയത്തക്ക അവസരങ്ങള്‍ ഒന്നും മുന്നേറ്റ നിരക്ക് ലഭിച്ചില്ല.ഇണലെ യമാല്‍,ലെവന്‍ഡോസ്ക്കി എന്നിവര്‍ ഫോമില്‍ എത്താന്‍ പാടുപ്പെട്ടപ്പോള്‍ , കസാഡോ, ഗാര്‍സിയ,ഇനിഗോ മാര്‍ട്ടിനസ്,കൂണ്ടേ എന്നിവര്‍ വളരെ മികച്ച പ്രകടനം ആണ് നടത്തിയത്.
