കോപ്പ അമേരിക്ക : മെസ്സിയും അൽവാരസും അര്ജന്റീനയ്ക്കായി ഫൈനലിലേക്കുള്ള ടിക്കറ്റ് ബുക്ക് ചെയ്തു

കാനഡയെ 2-0ന് തോൽപ്പിച്ച് നിലവിലെ ചാമ്പ്യൻമാരായ അർജൻ്റീന കോപ്പ അമേരിക്ക 2024 ഫൈനലിൽ കടന്നു. ജൂലിയൻ അൽവാരസിൻ്റെയും ലയണൽ മെസ്സിയുടെയും ഗോളുകൾ കൊളംബിയയെയോ ഉറുഗ്വേയെയോ നേരിടുന്ന ഉച്ചകോടിയിലെ പോരാട്ടത്തിലേക്ക് ടീമിനെ നയിച്ചു. മികച്ച പ്രകടനമാണ് ഇന്ന് രണ്ട് ടീമുകളും പുറത്തെടുത്തത്.

ആദ്യ ഗോൾ പിറന്നത് ഇരുപത്തിരണ്ടാം മിനിറ്റിൽ ആയിരുന്നു. ഡി പോളിന്റെ പാസിൽ അൽവാരസ് മികച്ച ഒരു ഗോൾ തന്നെ ടീമിന് സമ്മാനിച്ചു. ആദ്യ പകുതിയിൽ അർജെന്റിന പിന്നെയും അവസരങ്ങൾ സൃഷ്ടിച്ചെങ്കിലും അതൊന്നും ഗോളിലേക്ക് എത്തിയില്ല. ഇതോടെ ആദ്യ പകുതി ഒരു ഗോളിന്റെ ലീഡിൽ അവസാനിച്ചു. പിന്നീട് രണ്ടാം പകുതിയിൽ അമ്പത്തിയൊന്നാം മിനിറ്റിൽ അർജെന്റിന രണ്ടാം ഗോൾ നേടി. ഇത്തവണ മെസിയുടെ വകയായിരുന്നു ഗോൾ. എൽസോ ഫെർണാണ്ടസ് എടുത്ത ഷോട്ട് മെസി വലയിലേക്ക് എത്തിക്കുകയായിരുന്നു. ഈ ടൂർണമെന്റിലെ മെസിയുടെ ആദ്യ ഗോൾ കൂടിയായിരുന്നു. രണ്ട് ഗോളുകൾ പിറന്ന ശേഷം കാനഡ ഗോളിനായി പരിശ്രമിക്കുന്നത് കാണാമായിരുന്നു. എന്നിരുന്നാലും അവർക്ക് നിരാശയായിരുന്നു ഫലം. ഫൈനലിൽ അർജെന്റിന കൊളംബിയയെയോ ഉറുഗ്വേയെയോ നേരിടും.