” ലോകത്തിലെ മികച്ച ഫൂട്ബോള്‍ മാനേജര്‍ പെപ്പ് അല്ല ” – റൂണി
മാനേജർമാരുടെ റാങ്കിംഗിൽ മാഞ്ചസ്റ്റർ സിറ്റിയുടെ പെപ് ഗാർഡിയോളയെക്കാൾ മുൻതൂക്കം തൻ്റെ മുൻ ബോസ് സർ അലക്സ് ഫെർഗൂസണാണെന്ന് താൻ വിശ്വസിക്കുന്നതായി മാഞ്ചസ്റ്റർ യുണൈറ്റഡ് ഇതിഹാസം വെയ്ൻ റൂണി പറഞ്ഞു.ഇംഗ്ലണ്ട് ലീഗിലെ ഏറ്റവും വലിയ മാനേജര്‍ ആര് ആണ് എന്നത് എക്കാലത്തെയും നീണ്ട ഒരു ചര്‍ച്ചയാണ്.
ഗാർഡിയോള സിറ്റിയെ ഈ സീസണിൽ തുടർച്ചയായി നാലാം പ്രീമിയർ ലീഗ് കിരീടത്തിലേക്ക് നയിച്ചു, ഇംഗ്ലണ്ടിൻ്റെ മുൻനിര ടീമിൻ്റെ ചരിത്രത്തിൽ ഫെർഗൂസനോ മുൻ ടീമുകളോ ഒരിക്കലും നേടാത്ത നാഴിക കല്ല് ആണത്.”ഈ കലയാളവിലെ ഏറ്റവും മികച്ച മാനേജര്‍ ഗാര്‍ഡിയോള തന്നെ ആണ്.എന്നാല്‍ അലക്സ് ഫെര്‍ഗൂസന്‍ ഞങ്ങളുടെ യുണൈറ്റഡ് ടീമിനെ തന്നെ ഒരു പത്തു തവണ എങ്കിലും റീബിള്‍ഡ് ചെയ്തിട്ടുണ്ടാകും.ഇത് കൂടാതെ അദ്ദേഹം അബർഡീൻ പോലുള്ള ഒരു ക്ലബില്‍ നേടിയ നേട്ടം പെപ്പിന് സാധിയ്ക്കും എന്നു ഞാന്‍ കരുതുന്നില്ല.”റൂണി ഒരു അഭിമുഖത്തില്‍ പറഞ്ഞു.യുണൈറ്റഡിൽ ചേരുന്നതിന് മുമ്പ്, സെല്‍ട്ടിക്കിന്റെയും റേഞ്ചേഴ്‌സിൻ്റെയും ദീർഘകാല ആധിപത്യം തകർത്തുകൊണ്ട് ഫെർഗൂസൺ അബർഡീനിനൊപ്പം മൂന്ന് സ്കോട്ടിഷ് കിരീടങ്ങൾ നേടി.1983-ലെ യൂറോപ്യൻ കപ്പില്‍ വമ്പൻമാരായ റയൽ മാഡ്രിഡിനെ മുട്ടു കുതിച്ച് കിരീടവും അവര്‍ നേടി.
