ജരാഡ് ബ്രാന്ത്വെയ്റ്റ് ; യുണൈറ്റഡിന്‍റെ സമ്മര്‍ സൈനിങ് ടാര്‍ഗെറ്റ്
മാഞ്ചസ്റ്റർ യുണൈറ്റഡിൻ്റെ സമ്മർ ട്രാൻസ്ഫർ ലക്ഷ്യങ്ങളില്‍ ഒന്നാണ് ജറാഡ് ബ്രാന്ത്വെയ്റ്റ്.എന്നാല്‍ അദ്ദേഹത്തിനെ വിട്ടു കിട്ടണം എങ്കില്‍ വലിയ ഫീസ് ആണ് എവർട്ടണ്‍ ആവശ്യപ്പെടുന്നത്.സമ്മർ ജാലകത്തിൽ യുണൈറ്റഡ് അവരുടെ ടീമിലേക്ക് ഒരു സെൻ്റർ ബാക്കിനെയെങ്കിലും ചേർക്കാൻ ശ്രമം നടത്തുന്നുണ്ട്.
കാർലിസ്‌ലെ യുണൈറ്റഡിനായി കൗമാരപ്രായത്തിൽ തൻ്റെ പ്രൊഫഷണൽ അരങ്ങേറ്റം നടത്തിയതിനുശേഷം യുണൈറ്റഡ് സ്‌കൗട്ട്‌സ് ബ്രാന്‌ത്‌വെയ്‌റ്റിനെ ട്രാക്ക് ചെയ്‌തു കൊണ്ടിരിക്കുന്നുണ്ടായിരുന്നു.ഈ സീസണിൽ എവർട്ടണിനായി കളിച്ച അദ്ദേഹം വളരെ മികച്ച പ്രകടനം ആണ് നടത്തിയത്.ഗുഡിസൺ പാർക്കിലെ അദ്ദേഹത്തിൻ്റെ പ്രകടനങ്ങൾ കണ്ട ഇംഗ്ലണ്ട് ഫൂട്ബോള്‍ ജർമ്മനിയിൽ നടക്കുന്ന യൂറോപ്യൻ ചാമ്പ്യൻഷിപ്പിന് മുന്നോടിയായി ഇംഗ്ലണ്ടിൻ്റെ താൽക്കാലിക ടീമിൽ താരത്തിനു ഇടം നല്കി.താരത്തിനു വേണ്ടി നിലവില്‍ എവര്‍ട്ടന്‍ ആവശ്യപ്പെടുന്ന തുക 75 മില്യൺ പൗണ്ട് ആണ്.2027 വരെ ക്ലബ്ബിൽ തുടരാൻ കഴിയുന്ന കരാർ വിപുലീകരണത്തിൽ 21-കാരൻ ഒക്ടോബറിൽ ഒപ്പുവച്ചിരുന്നു.
