പ്രീമിയര്‍ ലീഗില്‍ ഒന്നാം സ്ഥാനത്തേക്ക് തിരിച്ചെത്താന്‍ സിറ്റി !!!
ഫുൾഹാമിനെ നേരിടാൻ ക്രാവൻ കോട്ടേജിലേക്ക് പോകുമ്പോൾ മാഞ്ചസ്റ്റർ സിറ്റി തുടർച്ചയായ നാലാമത്തെ പ്രീമിയർ ലീഗ് കിരീടം എന്ന റെക്കോർഡ് വ്യഗ്രതയില്‍ ആണ്.സെപ്റ്റംബറിൽ ഇത്തിഹാദ് സ്റ്റേഡിയത്തിൽ നടന്ന റിവേഴ്സ് മത്സരത്തിൽ 5-1 ന് കനത്ത തോൽവി ഏറ്റുവാങ്ങിയ കോട്ടേജേഴ്സ് നിലവിലെ ചാമ്പ്യന്മാരോട് പ്രതികാരം ചെയ്യാൻ ശ്രമിക്കുന്നു.ഇന്ന് ഇന്ത്യന്‍ സമയം അഞ്ചു മണിക്ക് ആണ് മല്‍സരം നടക്കാന്‍ പോകുന്നത്.
കഴിഞ്ഞ വാരാന്ത്യത്തിൽ ഇത്തിഹാദ് സ്റ്റേഡിയത്തിൽ വോൾവർഹാംപ്ടൺ വാണ്ടറേഴ്സിനെ 5-1ന് പരാജയപ്പെടുത്തി കൊണ്ട് സിറ്റി ലീഗിലെ തങ്ങളുടെ അപരാജിത ഓട്ടം 20 മത്സരങ്ങളിലേക്ക് നീട്ടി.ഇന്നതെ മല്‍സരത്തില്‍ ജയിച്ചാല്‍ ആഴ്സണല്‍ ടീമിനെ പിന്തള്ളി ഒന്നാം സ്ഥാനത്തേക്ക് എത്താന്‍ സിറ്റിക്ക് കഴിയും.അതിനാല്‍ മല്‍സരം തുടങ്ങുമ്പോള്‍ തന്നെ എങ്ങനെയും നിയന്ത്രണം ഏറ്റെടുത്ത് വലിയ ഗോള്‍ മാര്‍ജിനില്‍ ജയം നേടാന്‍ ആയിരിയ്ക്കും സിറ്റിയുടെ ശ്രമം.
