ബലാത്സംഗ അന്വേഷണം മുന്‍നിര്‍ത്തി നാല് താരങ്ങളെ അർജൻ്റീനയുടെ വെലെസ് സാർസ്ഫീൽഡ് സസ്പെൻഡ് ചെയ്തു
ഒരു സ്ത്രീയെ പീഡിപ്പിച്ചു എന്ന കേസില്‍ സംശയം ഉള്ള നാല് കളിക്കാരെ വ്യാഴാഴ്ച അർജൻ്റീനയിലെ ടോപ്പ് ഫ്ലൈറ്റ് ക്ലബ് വെലെസ് സാർസ്ഫീൽഡ് സസ്പെൻഡ് ചെയ്തു.ഗോൾകീപ്പർ സെബാസ്റ്റ്യൻ സോസ, ഡിഫൻഡർ ബ്രയാൻ കുഫ്രെ, മിഡ്ഫീൽഡർ ജോസ് ഇഗ്നാസിയോ ഫ്ലോറൻ്റിൻ, സ്‌ട്രൈക്കർ അബീൽ ഒസോറിയോ എന്നിവര്‍ക്കെതിരെ പ്രോസിക്യൂട്ടർമാർ അന്വേഷണം ആരംഭിച്ചതായി അറിഞ്ഞതിനെത്തുടർന്ന് തങ്ങൾ സസ്പെൻഡ് ചെയ്തതായി ക്ലബ് വെലെസ് പറഞ്ഞു.
ടുകുമാന്‍ എന്ന സിറ്റിയില്‍ വെച്ചാണ് ഈ പീഡനം നടന്നതായി അറിയുന്നത്.ശനിയാഴ്ച അത്‌ലറ്റിക്കോ ടുകുമാനുമായുള്ള മത്സരത്തിൽ കളിക്കുന്നതിന് വേണ്ടി ആണ് വെലസ് അങ്ങോട്ട് പോയത്.ഒരു കളിക്കാരനുമായി ഒരു ഹോട്ടൽ മുറിയിൽ ചേരാൻ താൻ സമ്മതിച്ചതായും എന്നാൽ മറ്റ് മൂന്ന് പുരുഷന്മാരും അവിടെ ഉണ്ടായിരുന്നതായും യുവതി അധികൃതരോട് പറഞ്ഞതായി പ്രാദേശിക മാധ്യമങ്ങൾ റിപ്പോർട്ട് ചെയ്തു.കളിക്കാർക്കൊപ്പം മദ്യം കഴിച്ച അവര്‍ അറിയാതെ മയങ്ങി പോയി.തുടർന്ന് താരങ്ങള്‍ ബലാത്സംഗം ചെയ്യുകയായിരുന്നുവെന്ന് യുവതി പറഞ്ഞു.
