ഒടുവില്‍ വിധി വന്നു ; മറഡോണ ഒരു നികുതിവെട്ടിപ്പ്ക്കാരന്‍ അല്ല !!!!
മുൻ നാപ്പോളി ഫോർവേഡും റവന്യൂ അധികൃതരും തമ്മിലുള്ള 30 വർഷം നീണ്ട നിയമപോരാട്ടത്തിന് വിരാമമിട്ട് ഇറ്റലിയിലെ പരമോന്നത കോടതി.വിധി പ്രകാരം അന്തരിച്ച അർജന്റീന ഫുട്ബോൾ ഇതിഹാസം ഡീഗോ മറഡോണയെ നികുതി വെട്ടിപ്പ് ആരോപണങ്ങളിൽ നിന്ന് ഒഴിവാക്കി.1985 നും 1990 നും ഇടയിൽ ഇറ്റാലിയൻ ക്ലബിൽ നിന്ന് തന്റെ വ്യക്തിഗത ഇമേജ് അവകാശങ്ങൾക്കായി പേയ്‌മെന്റുകൾ സ്വീകരിക്കുമ്പോൾ മറഡോണ ഫീസ് ഒഴിവാക്കാൻ ലിച്ചെൻസ്റ്റീനിലെ വ്യാജ കമ്പനികളെ ഉപയോഗിച്ചു എന്നതാണു കേസ്.
1990-കളുടെ തുടക്കത്തിൽ ഫുട്ബോൾ കളിക്കാരന്റെ നികുതി പേയ്മെന്റുകളെക്കുറിച്ചുള്ള അന്വേഷണങ്ങൾ ആരംഭിച്ചു, അതിന്റെ ഫലമായി 37 മില്യൺ യൂറോ പിഴയായി അദ്ദേഹം അടക്കണം എന്നായിരുന്നു ഇറ്റാലിയന്‍ ഫൂട്ബോളിന്‍റെ വാദം.ഈ കേസ് എന്നെന്നേക്കും ആയി അവസാനിച്ചു എന്നും മറഡോണ ഒരു നികുതി വെട്ടിപ്പ് കാരന്‍ അല്ല എന്നു എനിക്കു ധൈര്യമായി പറയാന്‍ കഴിയും എന്നും താരത്തിനെ പ്രതിനിധീകരിച്ച അഭിഭാഷകൻ ആഞ്ചലോ പിസാനി റോയിട്ടേഴ്സിനോട് പറഞ്ഞു.വിധി ആരാധകര്‍ക്കുള്ള സമ്മാനം ആണ് എന്നും അദ്ദേഹം കൂട്ടിച്ചേര്‍ത്തു.ഇതോടെ റോമിലെ കോർട്ട് ഓഫ് കാസേഷൻ ഡിസംബറിൽ 2018 ലെ വിധി അസാധുവായി.2020 നവംബറിൽ ഹൃദയാഘാതത്തെ തുടർന്ന് മറഡോണ മരിച്ചു.
