ഫ്രേസർ ഫോർസ്റ്ററിനായുള്ള പുതിയ കരാർ ടോട്ടൻഹാം ഹോട്സ്പർ പ്രഖ്യാപിച്ചു
2024-25 കാമ്പെയ്ൻ അവസാനിക്കുന്നത് വരെ ബാക്ക്-അപ്പ് ഗോൾകീപ്പർ ഫ്രേസർ ഫോർസ്റ്റർ നോർത്ത് ലണ്ടൻ ക്ലബ്ബുമായി പുതിയ കരാർ ഒപ്പിട്ടതായി ടോട്ടൻഹാം ഹോട്സ്പർ അറിയിച്ചു.സതാംപ്ടൺ വിട്ടതിന് ശേഷം 2022 ജൂണിൽ ഒരു ഫ്രീ ട്രാൻസ്ഫറിൽ 35 കാരനായ അദ്ദേഹം സ്പർസിലേക്ക് മാറി, ഹ്യൂഗോ ലോറിസിന്റെ പരിക്ക് കാരണം 2022-23 കാമ്പെയ്നിനിടെ ക്ലബ്ബിനായി 20 മല്സരങ്ങളില് താരം പങ്കെടുത്തിരുന്നു.
ന്യൂകാസിൽ യുണൈറ്റഡിലാണ് ഫോർസ്റ്റർ തന്റെ പ്രൊഫഷണൽ കരിയർ ആരംഭിച്ചത്, എന്നാൽ 2012 ൽ സേല്ട്ടിക്കിലേക്ക് പോകുന്നതിനു മുന്പ് മുമ്പ് ക്ലബ്ബിനായി ഒരു ഫസ്റ്റ്- ക്ലാസ് മല്സരത്തില് പോലും പങ്കെടുക്കാന് അദ്ദേഹത്തിന് കഴിഞ്ഞിരുന്നില്ല.നിലവില് അദ്ദേഹം 148 പ്രീമിയർ ലീഗ് മത്സരങ്ങളില് കളിച്ചിട്ടുണ്ട്.2014 നും 2022 നും ഇടയിൽ സതാംപ്ടണിൽ അദ്ദേഹം കളിച്ച സമയത്താണ് ഇവയിൽ ഭൂരിഭാഗവും.ടോട്ടന്ഹാം പോലുള്ള വലിയ ഒരു ക്ലബില് കളിക്കാന് അവസരം ലഭിക്കില്ല എങ്കിലും ടീമിനെ വേണ്ടുന്ന രീതിയില് സഹായിക്കാന് തനിക്ക് സന്തോഷമേ ഉള്ളൂ എന്നും കരാര് നീട്ടിയതിന് ശേഷം അദ്ദേഹം മാധ്യമങ്ങളോട് പറഞ്ഞു.
