17 കാരനായ ഓസ്‌ട്രേലിയൻ താരം ഇരങ്കുണ്ടയെ ബയേൺ മ്യൂണിക്ക് സ്വന്തമാക്കി
ബയേൺ മ്യൂണിക്ക് 17 കാരനായ ഓസ്‌ട്രേലിയൻ വിംഗർ നെസ്‌റ്റോറി ഇരങ്കുണ്ടയെ ” ഒപ്പിട്ടതായി ബുണ്ടസ്‌ലിഗ ക്ലബ് തിങ്കളാഴ്ച പ്രഖ്യാപിച്ചു.ഫെബ്രുവരിയിൽ 18 വയസ്സ് തികയുന്നതുവരെ യൂറോപ്പിലേക്ക് മാറുന്നതിതിരെ ഫിഫ നിയന്ത്രണങ്ങൾ നിലവില്‍ ഉള്ളതിനാല്‍ അഡ്‌ലെയ്ഡ് യുണൈറ്റഡ് വിംഗർ 2024 ജൂലൈ 1-ന് ബവേറിയയിലേക്ക് മാറും.ബുറുണ്ടിയൻ മാതാപിതാക്കൾ രാജ്യത്തെ ആഭ്യന്തരയുദ്ധത്തിൽ നിന്ന് പലായനം ചെയ്തതിന് ശേഷം മൂന്ന് മാസം പ്രായമുള്ളപ്പോൾ ടാൻസാനിയയിൽ ജനിച്ച ഇരങ്കുണ്ട ഓസ്ട്രേലിയന്‍ പൌരന്‍ ആയി മാറി.
2021-22 സീസണിൽ അഡ്‌ലെയ്ഡിനായി 15 വയസ്സുകാരനായി അരങ്ങേറ്റം കുറിച്ച ഇരങ്കുണ്ട, എ-ലീഗിലെ തന്റെ ആദ്യ രണ്ട് സീസണുകളിൽ ബെഞ്ച് പ്ലേയര്‍ ആയി മാത്രം 799 മിനിറ്റിൽ എട്ട് ഗോളുകൾ നേടിയിരുന്നു.തന്റെ ആദ്യ സീനിയർ ലീഗ് മല്‍സരത്തിലും താരം വളരെ പെട്ടെന്നു മോഡേണ്‍ ഫൂട്ബോളുമായി പൊരുത്തപ്പെട്ടു.ഈ വർഷം മാർച്ചിൽ ഇക്വഡോറിനെതിരായ സൗഹൃദ മത്സരങ്ങളിൽ പരിശീലന കളിക്കാരനായി ഇരങ്കുണ്ടയെ സീനിയർ ടീമിലേക്കും ഓസീസ് വിളിച്ചിരുന്നു.
