യുകെ, അയർലൻഡ് യൂറോ 2028 ആതിഥേയത്വം വഹിക്കും; തുർക്കി-ഇറ്റലിയില്‍ വെച്ച് 2032 പതിപ്പ് നടക്കും
യുകെയും അയർലൻഡും 2028 യൂറോപ്യൻ ചാമ്പ്യൻഷിപ്പിന് ആതിഥേയത്വം വഹിക്കും, ഇറ്റലിയും തുർക്കിയും ടൂർണമെന്റിന്റെ 2032 പതിപ്പ് നടത്തുമെന്ന് യുവേഫ ഇന്ന് പ്രഖ്യാപിച്ചു.കഴിഞ്ഞ ആഴ്ച യൂറോ 2032-നുള്ള സംയുക്ത ഇറ്റലി-തുർക്കി ബിഡ് സ്വീകരിക്കുകയും യൂറോ 2028-നുള്ള മത്സരത്തിൽ നിന്ന് തുർക്കി പിൻവാങ്ങുകയും ചെയ്‌തതോടെ യുവേഫയുടെ ദൌത്യം വളരെ എളുപ്പം ആയി.
2028-ലെ മത്സരത്തിൽ നിന്ന് തുർക്കി പിൻവാങ്ങിയത് മൂലം നറുക്ക് വീണത് ഇംഗ്ലണ്ട്, നോർത്തേൺ അയർലൻഡ്, അയർലൻഡ്, സ്കോട്ട്ലൻഡ്, വെയിൽസ് എന്നീ രാജ്യങ്ങള്‍ക്ക് ആണ്.യു.കെ.യും അയർലൻഡും സംയുക്തമായി നടത്തിയിട്ടുള്ളതിൽ വച്ച് ഏറ്റവും വലിയ കായിക ഇനമായിരിക്കും യൂറോ 2028.ടൂർണമെന്റിനായി ഏകദേശം 3 ദശലക്ഷം ടിക്കറ്റുകൾ ലഭ്യമാകുമെന്ന് എഫ്‌എ പറഞ്ഞു, ഇത് മുമ്പത്തെ ഏത് യൂറോപ്യൻ ചാമ്പ്യൻഷിപ്പിലും കൂടുതലാണ്. ശരാശരി 58,000 ശേഷിയുള്ള സ്റ്റേഡിയങ്ങളിലാണ് മത്സരങ്ങൾ നടക്കാന്‍ പോകുന്നത്.32 ല്‍ ഫൂട്ബോള്‍ ചരിത്രത്തില്‍ തന്നെ ഏറ്റവും പ്രൌഡിയുള്ള രാജ്യമായ ഇറ്റലിക്കൊപ്പം യൂറോ നടത്താന്‍ അവസരം ലഭിച്ചതില്‍ തങ്ങള്‍ അഭിമാനം കൊള്ളുന്നു എന്നു തുര്‍ക്കി ഇന്ന് വെളിപ്പെടുത്തി.
