ഏഷ്യൻ യൂത്ത് ആൻഡ് ജൂനിയർ ഭാരോദ്വഹന ചാമ്പ്യൻഷിപ്പ് കായിക മന്ത്രി അനുരാഗ് താക്കൂർ ഉദ്ഘാടനം ചെയ്തു .
ഇന്ത്യയിൽ ആദ്യമായി നടക്കുന്ന ഏഷ്യൻ യൂത്ത് ആൻഡ് ജൂനിയർ ഭാരോദ്വഹന ചാമ്പ്യൻഷിപ്പ് 2023 വ്യാഴാഴ്ച കേന്ദ്ര കായിക മന്ത്രി അനുരാഗ് സിംഗ് താക്കൂർ ഉദ്ഘാടനം ചെയ്തു. കഴിഞ്ഞ മാസം മാത്രം 61 മെഡലുകൾ നേടി ഭാരോദ്വഹന കോമൺവെൽത്ത് ചാമ്പ്യൻഷിപ്പിൽ ഇന്ത്യക്ക് എക്കാലത്തെയും മികച്ച പ്രകടനം കാഴ്ചവെച്ച ഖേലോ ഇന്ത്യ അത്ലറ്റുകൾ ഉൾപ്പെടെ 30-ലധികം ഇന്ത്യൻ ഭാരോദ്വഹന താരങ്ങൾ ഈ അന്താരാഷ്ട്ര ഇവന്റിൽ പങ്കെടുക്കും.
“ഏഷ്യൻ മേഖലയിൽ നിന്നുള്ള 15-ലധികം രാജ്യങ്ങൾ, 200-ലധികം കായികതാരങ്ങൾ, 50-ലധികം സാങ്കേതിക ജീവനക്കാരും പരിശീലകരും പങ്കെടുക്കുന്ന ഈ അഭിമാനകരമായ ഇവന്റിന് ഇന്ത്യ ആതിഥേയത്വം വഹിക്കുന്നതിൽ എനിക്ക് അതിയായ സന്തോഷമുണ്ട്. ഭാവിയിലെ കായിക വിജയങ്ങളുടെ അടിത്തറയാണ് ഇത്തരം പരിപാടികൾ. ഈ പരിപാടിയിൽ പങ്കെടുക്കുന്ന എല്ലാ അത്ലറ്റുകൾക്കും ഞാൻ എല്ലാ ആശംസകളും നേരുന്നു,” തകൂർ പറഞ്ഞു.
