പ്രോ കബഡി ലീഗ് സീസൺ 10 ന്റെ കളിക്കാരുടെ ലേലം സെപ്റ്റംബർ 8 മുതൽ 9 വരെ

പ്രോ കബഡി ലീഗ് (പികെഎൽ) സീസൺ 10 ന്റെ കളിക്കാരുടെ ലേലം സെപ്റ്റംബർ 8 മുതൽ 9 വരെ നടക്കുമെന്ന് ലീഗിന്റെ സംഘാടകരായ മഷാൽ സ്‌പോർട്‌സ് തിങ്കളാഴ്ച അറിയിച്ചു. 2023-ലെ ഖേലോ ഇന്ത്യ യൂണിവേഴ്സിറ്റി ഗെയിംസിന്റെ രണ്ട് ഫൈനലിസ്റ്റ് ടീമുകളിൽ നിന്നുള്ള 24 കളിക്കാർ ഉൾപ്പെടെ 500-ലധികം കളിക്കാർ സീസൺ 10 പ്ലെയർ പൂളിൽ ഉൾപ്പെടും.

ഓരോ ഫ്രാഞ്ചൈസിക്കും അതിന്റെ സ്ക്വാഡിനായി ലഭ്യമായ മൊത്തം സാലറി പേഴ്‌സ് മൂന്ന് സീസണുകൾക്ക് ശേഷം 4.4 കോടി രൂപയിൽ നിന്ന് 5 കോടി രൂപയായി വർദ്ധിച്ചു.

കാറ്റഗറി എ – 30 ലക്ഷം, കാറ്റഗറി ബി -20 ലക്ഷം, കാറ്റഗറിസി – 13 ലക്ഷം, കാറ്റഗറി ഡി- 9 ലക്ഷം എന്നിങ്ങനെയാണ് ഓരോ വിഭാഗങ്ങളുടെയും അടിസ്ഥാന വിലകൾ. ആഭ്യന്തര, വിദേശ കളിക്കാരെ നാല് വിഭാഗങ്ങളായി തിരിക്കും: കാറ്റഗറി എ, ബി, സി, ഡി. കളിക്കാരെ ഓരോ വിഭാഗത്തിലും ഓൾറൗണ്ടർമാർ, ഡിഫൻഡർമാർ, റൈഡർമാർ എന്നിങ്ങനെ വിഭജിക്കും.

ലീഗ് നയങ്ങൾ അനുസരിച്ച് അതത് പികെഎൽ സീസൺ 9 സ്ക്വാഡുകളിൽ നിന്ന് കളിക്കാരെ നിലനിർത്താനുള്ള തിരഞ്ഞെടുപ്പും ടീമുകൾക്ക് ഉണ്ട്. ഓരോ പികെഎൽ സീസണിലും നിശ്ചിത വ്യവസ്ഥകളിൽ എലൈറ്റ് നിലനിർത്തിയ കളിക്കാരുടെ വർഗ്ഗീകരണത്തിന് കീഴിൽ ആറ് കളിക്കാരെ വരെ നിലനിർത്താൻ ഫ്രാഞ്ചൈസികൾക്ക് അനുവാദമുണ്ട്.