ഹംഗറി താരം സോബോസ്ലായിയെ ലിവർപൂൾ സ്വന്തമാക്കി
ഞായറാഴ്ച ഹംഗറി ക്യാപ്റ്റൻ ഡൊമിനിക് സോബോസ്ലായിയെ സൈൻ ചെയ്തുകൊണ്ട് ലിവർപൂൾ അവരുടെ മധ്യനിരയെ ശക്തിപ്പെടുത്തി.” വർക്ക് പെർമിറ്റിന് വിധേയമായി ആർബി ലെപ്സിഗിൽ നിന്ന് ഡൊമിനിക് സോബോസ്ലായിയെ ലിവർപൂൾ എഫ്സി സൈനിംഗ് പൂർത്തിയാക്കി,” ഇംഗ്ലീഷ് പ്രീമിയർ ലീഗ് ക്ലബ് പറഞ്ഞു.
അർജന്റീനിയൻ മിഡ്ഫീൽഡർ അലക്സിസ് മാക് അലിസ്റ്ററിന് ശേഷം ലിവർപൂളിന്റെ സമ്മർ ജാലകത്തിലെ രണ്ടാമത്തെ കൂട്ടിച്ചേർക്കലാണ് 22 കാരനായ സോബോസ്ലായി. ഹംഗേറിയൻ അറ്റാക്കിംഗ് മിഡ്ഫീൽഡർ ലിവർപൂളിൽ ചേരാൻ മെഡിക്കൽ പൂർത്തിയാക്കിയതായി റെഡ്സ് പറഞ്ഞു. ലിവർപൂളിൽ ചേരുന്നതിന് മുമ്പ് സോബോസ്ലായ് ഓസ്ട്രിയയുടെ റെഡ് ബുൾ സാൽസ്ബർഗിനും പിന്നീട് ജർമ്മനിയുടെ ആർബി ലെപ്സിഗിനും കളിച്ചിട്ടുണ്ട്.
2018-2021ൽ നാല് ഓസ്ട്രിയൻ ലീഗ് കിരീടങ്ങൾ നേടി. ആർബി ലെപ്സിഗിനായി 91 മത്സരങ്ങളിൽ നിന്ന് 20 ഗോളുകളും 22 അസിസ്റ്റുകളും അദ്ദേഹം നേടി. ഹംഗറിക്ക് വേണ്ടി 32 മത്സരങ്ങളിൽ നിന്ന് ഏഴ് ഗോളുകൾ നേടി.
