സാഫ് ചാമ്പ്യൻഷിപ്പ് 2023: നേപ്പാളിനെ തോൽപ്പിച്ച് ഇന്ത്യ സെമിയിൽ
ശനിയാഴ്ച ശ്രീ കണ്ഠീരവയിൽ നടന്ന ഗ്രൂപ്പ് എ മത്സരത്തിൽ നേപ്പാളിനെതിരെ 2-0 ന് ജയിച്ച് ഇന്ത്യൻ സീനിയർ പുരുഷ ടീം 2023 സാഫ് ചാമ്പ്യൻഷിപ്പിന്റെ സെമിഫൈനലിൽ സ്ഥാനം പിടിച്ചു.
ഈ വിജയത്തോടെ സ്വന്തം തട്ടകത്തിൽ തോൽവിയറിയാതെയുള്ള കുതിപ്പ് ഇന്ത്യ 12 മത്സരങ്ങളാക്കി ഉയർത്തി. 2019 സെപ്തംബർ 5 ന്, ഇന്ത്യ ഒമാനോട് തോറ്റതിന് ശേഷം, ആതിഥേയർക്കെതിരെ വിജയം ആസ്വദിച്ച് മറ്റൊരു അന്താരാഷ്ട്ര ടീമിനും ഇന്ത്യയിൽ പിച്ച് വിടാൻ കഴിഞ്ഞില്ല.
കടുത്ത നേപ്പാൾ പ്രതിരോധത്തിൽ ബ്ലൂ ടൈഗേഴ്സ് നിരാശപ്പെടുത്തിയ ആദ്യ പകുതിക്ക് ശേഷം, രണ്ടാം പകുതിയിൽ ആണ് ടീം ഇന്ത്യ രണ്ട് ഗോളുകളും നേടിയത്. ക്യാപ്റ്റൻ സുനിൽ ഛേത്രിയും നവോറെം മഹേഷ് സിംഗും ആണ് ഗോളുകൾ നേടിയത്.സുനിൽ ഛേത്രി തന്റെ 91-ാം അന്താരാഷ്ട്ര ഗോളാണ് ഇന്ന് നേടിയത്. അറുപത്തിയൊന്നാം മിനിറ്റിൽ ഛേത്രി ആദ്യ ഗോൾ നേടി. 9 മിനിട്ടുകൾക്ക് ശേഷം ഇന്ത്യ രണ്ടാം ഗോളും നേടി. ഗ്രൂപ്പ് എയിലെ തങ്ങളുടെ അവസാന മത്സരത്തിൽ ഇന്ത്യ ജൂൺ 27 ചൊവ്വാഴ്ച വൈകിട്ട് 7:30 ന് കുവൈറ്റിനെ നേരിടും.
